മൂക്കുതല ഭഗവതി ക്ഷേത്രത്തിലെ നവരാത്രി ആഘോഷം’ശ്രദ്ധേയമായി ഉമ ശങ്കറിന്റെ ഓട്ടൻതുള്ളൽ

ചങ്ങരംകുളം :മൂക്കുതല നവരാത്രി ആഘോഷങ്ങളുടെ ഭാഗമായി മൂക്കുതല ഭഗവതീ ക്ഷേത്രത്തിൽ ഉമ ശങ്കറിന്റെ ഓട്ടൻതുള്ളൽ അരങ്ങേറി.കലാമണ്ഡലം മോഹനകൃഷ്ണൻ പാട്ടിന് നേതൃത്വം നൽകി. ലക്ഷ്മി സുരേഷ് കൂടെപ്പാടിയപ്പോൾ കലാമണ്ഡലം അനിരുദ്ധ് മൃദംഗത്തിൽ അകമ്പടിയേകി.മൂക്കുതല ദേവസ്വം പാരമ്പര്യ ട്രസ്റ്റി പന്താവൂർ ശങ്കരനാരായണന്റെയും സീമയുടെയും മകളായ ഉമ ശങ്കർ വട്ടേനാട് സ്കൂളിലെ പ്ലസ് ടു വിദ്യാർഥിനിയാണ്.കലാമണ്ഡലം ആശയുടെയും കലാമണ്ഡലം മോഹനകൃഷ്ണന്റെയും ശിക്ഷണത്തിൽ അഞ്ചുവർഷമായി ഓട്ടൻതുള്ളൽ അഭ്യസിച്ചുവരികയാണ് ഉമ ശങ്കർ.