സംസ്ഥാനത്ത് സ്വർണവിലയിൽ ഇടിവ്. ഇന്ന് പവന് 480 രൂപയാണ് കുറഞ്ഞിരിക്കുന്നത്. ഇതോടെ ഒരു പവന്റെ ഇന്നത്തെ വില 1,09,680 രൂപയാണ്. ഗ്രാമിന് 60 രൂപ കുറഞ്ഞ് 13,710 രൂപയായി. കഴിഞ്ഞ ദിവസങ്ങളിൽ സ്വർണവില മാറാതെ ഒരേ വിലയിൽ തുടർന്നിരുന്നു. അതിന് ശേഷമാണ് വീണ്ടും ഒരു ചാഞ്ചാട്ടം തുടങ്ങിയിരിക്കുന്നത്.
സ്വർണത്തിന്റെ ഒരു നിക്ഷേപമായിട്ടാണ് ആളുകൾ കാണുന്നത്. അതുകൊണ്ട് വില കൂടിയാലും കുറഞ്ഞാലും ആളുകൾ സ്വർണം വാങ്ങുക തന്നെ ചെയ്യും. ഇനി വിലയിൽ ഇടിവ് സംഭവിച്ചാലും പണിക്കൂലിയും ജിഎസ്ടിയും കൂടി ചേർത്ത് നല്ലൊരു തുക തന്നെ കൊടുക്കേണ്ടി വരും.
ഈ വർഷം ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്‍ണ വിലയിലെ സർവകാല റെക്കോര്‍ഡ്. ഡിസംബര്‍ 23നാണ് പവന്റെ വില ആദ്യമായി ഒരു ലക്ഷം രൂപ കടന്നത്. പശിമേഷ്യയിലെ ഭൗമരാഷ്ട്രീയ സംഘര്‍ഷങ്ങള്‍ ശക്തമാകുകയോ യുഎസ് പലിശനിരക്ക് സംബന്ധിച്ച പ്രതീക്ഷകളില്‍ വലിയ മാറ്റമുണ്ടാകുകയോ ചെയ്താല്‍ അവയെല്ലാം സ്വർണവിലയെ ബാധിക്കാറുണ്ട്. വരും ദിവസങ്ങളിലും സ്വർണവിലയിൽ ഇത്തരത്തിൽ മാറ്റങ്ങൾ ഉണ്ടാകാനാണ് സാധ്യത.
