ട്രാൻസ് യുവതിയെ പീഡിപ്പിച്ച് നഗ്നചിത്രങ്ങൾ പകർത്തി; പോക്‌സോ കേസ് പ്രതി പിടിയിൽ

മലപ്പുറം: പോക്‌സോ കേസിൽ ജാമ്യത്തിലിറങ്ങിയശേഷം ട്രാൻസ്ജെൻഡർ യുവതിയെ പീഡിപ്പിച്ച പ്രതി പിടിയിൽ. മലപ്പുറം താനൂർ സ്വദേശി മുഹമ്മദ് ഷാഫിലാണ് പിടിയിലായത്. സോഷ്യൽ മീഡിയ വഴി പരിചയപ്പെട്ട ട്രാൻസ് വുമണിനെ ലൈംഗികമായി ഉപദ്രവിച്ച ശേഷം നഗ്നചിത്രങ്ങൾ പകർത്തി ഭീഷണിപ്പെടുത്തിയെന്നാണ് കേസ്. 1,18,000 രൂപയാണ് പ്രതി ഭീഷണിപ്പെടുത്തി വാങ്ങിയത്. പാലാരിവട്ടം പൊലീസാണ് പ്രതിയെ പിടികൂടിയത്. ഇയാളിൽ നിന്ന് കണ്ടെത്തിയ ഫോണിൽ നിരവധി പെൺകുട്ടികളുടെ നഗ്ന വീഡിയോകളും ചിത്രങ്ങളുമുണ്ടെന്നാണ് വിവരം.