യൂത്ത് കോൺഗ്രസ് സ്ഥാപക ദിനാചരണം സംഘടിപ്പിച്ചു; പതാക ഉയർത്തലും ലഹരി വിരുദ്ധ പ്രതിജ്ഞയും നടത്തി

ചങ്ങരംകുളം: യൂത്ത് കോൺഗ്രസ് ആലംകോട് മണ്ഡലം കമ്മിറ്റിയുടെ ആഭിമുഖ്യത്തിൽ സ്ഥാപക ദിനാചരണവും ലഹരി വിരുദ്ധ പ്രതിജ്ഞയും സംഘടിപ്പിച്ചു.ചങ്ങരംകുളം സെന്ററിൽ നടന്ന പരിപാടി ബ്ലോക്ക് കോൺഗ്രസ് പ്രസിഡന്റ് പി.ടി. കാദർ ഉദ്ഘാടനം ചെയ്തു. യൂത്ത് കോൺഗ്രസ് ആലംകോട് മണ്ഡലം പ്രസിഡന്റ് സുഹൈർ എറവറാംകുന്ന് അധ്യക്ഷത വഹിച്ചു.സ്ഥാപക ദിനാചരണത്തിന്റെ ഭാഗമായി പതാക ഉയർത്തുകയും,സമൂഹത്തിൽ വർധിച്ചു വരുന്ന ലഹരി ഉപയോഗത്തിനെതിരെ യുവജനങ്ങൾക്കിടയിൽ ബോധവത്കരണം ശക്തമാക്കുക എന്ന ലക്ഷ്യത്തോടെ ലഹരി വിരുദ്ധ പ്രതിജ്ഞയെടുക്കുകയും ചെയ്തു.അനില വളയംകുളം ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.ശരീഫ് മാഷ് എം.ടി. ക്വിറ്റ് ഇന്ത്യ ദിന സന്ദേശം നൽകി.സ്വാതന്ത്ര്യസമരത്തിന്റെ ചരിത്രവും അതിന്റെ മൂല്യങ്ങളും പുതുതലമുറയിലേക്ക് പകർന്നു നൽകേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.ചടങ്ങിൽ നന്നമുക്ക് മണ്ഡലം പ്രസിഡന്റ് നാഹിർ ആലുങ്ങൽ,ആലംകോട് പഞ്ചായത്ത് വൈസ് പ്രസിഡന്റ് സുബൈർ ഉദിനുപറമ്പ്, പ്രവാസി മണ്ഡലം പ്രസിഡന്റ് ഷാഫി ഒതളൂർ, സലീം ചങ്ങരംകുളം,ശറഫുദ്ധീൻ മാന്തടം,നസറുദ്ദീൻ പന്താവൂർ,ശുഹൈബ് ചിയ്യാനൂർ,ജുബൈർ പന്താവൂർ, അബു താഹിർ കോക്കൂർ എന്നിവർ ആശംസകൾ നേർന്നു സംസാരിച്ചു.ഇർഷാദ് ചിയ്യാനൂർ നന്ദി രേഖപ്പെടുത്തി.