എടപ്പാൾ:പോട്ടൂർ മോഡേൺ ഹയർ സെക്കൻഡറി സ്കൂൾ, പോട്ടൂരിലെ കബ് ബുൾബുൾ യൂണിറ്റിന്റെ നേതൃത്വത്തിൽ വേൾഡ് സ്കാർഫ് ഡേ ആചരിച്ചു. പരിപാടിയുടെ ഭാഗമായി വിരമിച്ച ഇന്ത്യൻ സൈനികനായ ഹവിൽദാർ സി. സുരേഷ് കുമാറിനെ വിദ്യാർത്ഥികൾ ആദരിച്ചു.
സ്കാർഫ് പ്രസ്ഥാനത്തിന്റെ സേവനമനോഭാവവും നേതൃത്വ മൂല്യങ്ങളും വിദ്യാർത്ഥികളിൽ വളർത്തിയെടുക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. വിദ്യാർത്ഥികൾ സുരേഷ് കുമാറിനെ പൊന്നാട അണിയിച്ച് ഉപഹാരം നൽകി ആദരിച്ചു. തുടർന്ന് അദ്ദേഹം രാജ്യസ്നേഹം, അച്ചടക്കം, സേവന മനോഭാവം എന്നിവയെക്കുറിച്ച് വിദ്യാർത്ഥികളുമായി സംവദിച്ചു.ചടങ്ങിൽ പ്രിൻസിപ്പാൾ എ.വി. സുഭാഷ്, വൈസ് പ്രിൻസിപ്പൽ അബ്ദുൽ അസീസ്, ഡിപ്പാർട്ട്മെന്റ് ഹെഡ് പ്രിയങ്ക ശരത് എന്നിവർ സംസാരിച്ചു. കബ് ബുൾബുൾ യൂണിറ്റ് ഭാരവാഹികൾ, അധ്യാപകർ,വിദ്യാർത്ഥികൾ എന്നിവർ പരിപാടിയിൽ പങ്കെടുത്തു.
