ചങ്ങരംകുളം:ലഹരി ഉപയോഗത്തിനും ലഹരിക്കടത്തിനുമെതിരെ ശക്തമായ സന്ദേശം നൽകി അസ്ബാഹ് ഹയർ സെക്കണ്ടറി സ്കൂൾ പാവിട്ടപ്പുറം നാഷണൽ സർവ്വീസ് സ്കീം യൂണിറ്റ് “ഓപ്പറേഷൻ തൂഫാൻ” എന്ന പേരിൽ ലഹരി വിരുദ്ധ ബോധവൽക്കരണ പരിപാടി നടത്തി.”ലഹരിക്കെതിരെ സർഗാത്മക പ്രതിരോധം’ എന്ന പേരില് ചങ്ങരംകുളത്ത് നടന്ന പരിപാടിയില് ആലംകോട് പഞ്ചായത്ത് പ്രസിഡണ്ട് ആസിയ ഇബ്രാഹിം അധ്യക്ഷത വഹിച്ചു.പൊന്നാനി സി ഐ സതീഷ് കുമാർ പരിപാടി ഉദ്ഘാടനം ചെയ്തു.ചങ്ങരംകുളം എഎസ്ഐ ഹരിനാരായണൻ ലഹരി വിരുദ്ധപ്രതിജ്ഞ ചൊല്ലിക്കൊടുത്തു.ആലംകോട് പഞ്ചായത്ത് വൈസ് പ്രസിഡണ്ട് സുബൈർ ഉദിനു പറമ്പ്, അംഗങ്ങളായ ഫാത്തിമ ലത്തീഫ്,പിവിജയൻ , കെ മാധവൻ,ശാരിക മുരളിധരൻ, സതീ രാജൻ,ഫസീല ഷൗക്കത്ത്,അസബാഹ് ട്രസ്റ്റ് സെക്രട്ടറി ഹമീദ് മാസ്റ്റർ എന്നിവർ ആശംസാ പ്രസംഗം നടത്തി.പ്രിൻസിപ്പാൾ പിവി വില്ലിംഗ്ടൺ സ്വാഗതവും എൻ എസ് എസ് പ്രോഗ്രാം ഓഫീസർ സജ്ന എസ് നന്ദിയും പറഞ്ഞു
ലഹരിയുടെ ദൂഷ്യഫലങ്ങളെ കുറിച്ച് പൊതുജനങ്ങളിൽ അവബോധം സൃഷ്ടിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.പരിപാടിയുടെ ഭാഗമായി റാലി, ലഹരി വിരുദ്ധ പ്രതിജ്ഞ,വിദ്യാർത്ഥികൾ അവതരിപ്പിച്ച ഫ്ലാഷ്മോബ്,മൈം,ബലൂൺ പറത്തൽ എന്നിവ അരങ്ങേറി.
“ലഹരി വേണ്ട, ജീവൻ വേണം” എന്ന മുദ്രാവാക്യം ഉയർത്തിയുള്ള റാലിയും ഫ്ലാഷ്മോബും നാട്ടുകാരുടെ ശ്രദ്ധ പിടിച്ചുപറ്റി. ലഹരിക്ക് അടിമപ്പെടുന്നതിന്റെ ദുരന്തഫലങ്ങൾ മൈം രൂപത്തിൽ അവതരിപ്പിച്ചത് ഏറെ ശ്രദ്ധേയമായി.ലഹരി വിമുക്ത സമൂഹം കെട്ടിപ്പടുക്കുന്നതിന് യുവജനങ്ങൾ മുൻകൈയെടുക്കണമെന്ന് ഉദ്ഘാടന പ്രസംഗത്തിൽ പൊന്നാനി സിഐ സതീഷ് കുമാർ ആഹ്വാനം ചെയ്തു.
