ഞാങ്ങാട്ടിരി ഭഗവതി ക്ഷേത്രത്തിലെ ശ്രീമദ് ഭാഗവത സപ്താഹ യജ്ഞം ആഗസ്റ്റ് 2 മുതൽ 9വരെ നടക്കും

കൂറ്റനാട്:ഞാങ്ങാട്ടിരി ഭഗവതി ക്ഷേത്രത്തിലെ ഈ വർഷത്തെ ഭാഗവത സപ്താഹ യജ്ഞം ആഗസ്റ്റ് 2 മുതൽ 9 കൂടി ആഘോഷിക്കുന്നു.ആഗസ്റ്റ് രണ്ടാം തീയതി രാവിലെ 7 മണി മുതൽ 150 ൽ അധികം പേർ പങ്കെടുക്കുന്ന സമ്പൂർണ്ണ നാരായണീയ പാരായണംനടക്കും.അന്നേദിവസം വൈകുന്നേരം ക്ഷേത്രം തന്ത്രിമാരായ ബ്രഹ്മശ്രീ ആഞ്ഞം മധുസൂദനൻ നമ്പൂതിരിയും,ബ്രഹ്മശ്രീ അണ്ടലാടി ഉണ്ണി നമ്പൂതിരിപ്പാടും കൂടി ഭദ്രദീപം കൊളുത്തി ഉദ്ഘാടനം ചെയ്യുന്നതോടു കൂടി സപ്താഹത്തിന് തുടക്കം കുറിക്കും, ആഗസ്റ്റ് 9ന് അവഭൃഥ സ്നാനത്തോടുകൂടി സപ്താഹം അവസാനിക്കുകയും ചെയ്യും. ഓഗസ്റ്റ് 10 വത്സല മേഴത്തൂർ സംഘവും സമ്പൂർണ ദേവീമാഹാത്മ്യ പാരായണം നടത്തും. ആഗസ്റ്റ് നാലിന് വിദ്യാഗോപാലാർച്ചന, ആഗസ്റ്റ് ആറിന് ഉണ്ണിയൂ ട്ട്, ഉറിയടി, ആഗസ്റ്റ് ഏഴിന് രുഗ്മണി സ്വയംവര ഘോഷയാത്ര, – ആഗസ്റ്റ് എട്ടിന് സർവഐശ്വര്യപൂജ, കാർത്തിക ഊട്ട്, ആഗസ്റ്റ് എട്ടിന് സന്താനഗോപാലപൂജ എന്നിവയും ഉണ്ടാകും.ഭാഗവത കൗസ്തുഭം ബ്രഹ്മശ്രീ കണ്ടമംഗലം നാരായണൻ നമ്പൂരി യജ്ഞാചാര്യനും,ബ്രഹ്മശ്രീ തലപണപരമേശ്വരൻ നമ്പൂതിരി, ബ്രഹ്മശ്രീ അരീക്കര വാസുദേവൻ നമ്പൂതിരി തുടങ്ങിയസഹാ ചാര്യന്മാരുടെയും നേതൃത്വത്തിലാണ് യജ്ഞം നടക്കുന്നത്.ആഗസ്റ്റ് 14 ന് ക്ഷേത്രത്തിലെ മഹാ ഗണപതിഹോമം, ഗജ പൂജ,ആനയൂട്ട്, എന്നിവ നടത്താനും തീരുമാനിച്ചതായി എക്സിക്യൂട്ടീവ് ഓഫീസർ അറിയിച്ചു.