ഷോപ്പില്‍ നിന്ന് സ്വര്‍ണ്ണവും മൊബൈലും വാങ്ങും’ഗൂഗിള്‍പേ വഴി പണമടങ്ങതായി വ്യാജ സ്ക്രീന്‍ ഷോര്‍ട്ട് കാണിച്ച് മുങ്ങും’സാമ്പത്തിക തട്ടിപ്പ് കേസിലെ പ്രതി പെരുമ്പടപ്പ് പോലീസിന്റെ പിടിയില്‍

ചങ്ങരംകുളം:ഷോപ്പില്‍ നിന്ന് സ്വര്‍ണ്ണവും മൊബൈലും പോലുള്ള വിലപിടിപ്പുള്ള വസ്തുക്കള്‍ വാങ്ങി ഗൂഗിള്‍പേ വഴി പണമടങ്ങതായി വ്യാജ സ്ക്രീന്‍ ഷോര്‍ട്ട് കാണിച്ച് തട്ടിപ്പ് നടത്തി വന്ന പ്രതിയെ പെരുമ്പടപ്പ് പോലീസ് അറസ്റ്റ് ചെയ്തു.വെളിയംകോട് ഗ്രാമം സ്കൂള്‍പടി പുളിക്കല്‍ ജംഷാദ് (29)നെയാണ് പ്രത്യേക അന്വേഷണസംഘം പിടികൂടിയത്.രണ്ട് ആഴ്ച മുമ്പാണ് പെരുമ്പടപ്പിലെ ജ്വല്ലറിയില്‍ നിന്ന് ഒരുലക്ഷം രൂപയോളം വില വരുന്നസ്വര്‍ണ്ണം വാങ്ങി പണമടച്ച വ്യാജ സ്ക്രീന്‍ഷോട്ട് കാണിച്ച് ഇയാള്‍ രക്ഷപ്പെട്ടത്.സമാനമായ രീതിയില്‍ മറ്റൊരു സ്ഥാപനത്തിലും ഇയാള്‍ തട്ടിപ്പ് നടത്തിയിരുന്നു.സംഭവത്തില്‍ പെരുമ്പടപ്പ് പോലീസിന് ലഭിച്ച പരാതിയില്‍ നടത്തിയ അന്വേഷണത്തിലാണ് ഇയാള്‍ പിടിയിലായത്.തിരൂര്‍,പൊന്നാനി,ചങ്ങരംകുളം സ്റ്റേഷന്‍ പരിധിയില്‍ ഇയാള്‍ക്കെതിരെ സമാനമായ പരാതിയില്‍ കേസുകളുണ്ടെന്ന് ഉദ്ധ്യോഗസ്ഥര്‍ പറഞ്ഞു.മറ്റു ജില്ലകളിലും ഇയാള്‍ സമാനമായ തട്ടിപ്പുകള്‍ നടത്തിയിട്ടുണ്ടെന്ന് വിവരം ലഭിച്ചിട്ടുണ്ടെന്നും കൂടുതല്‍ അന്വേഷണം നടത്തി വരികയോണെന്നും ഉദ്ധ്യോഗസ്ഥര്‍ പറഞ്ഞു.ഒളിവില്‍ കഴിഞ്ഞ പ്രതിയെ ഗുരുവായൂര്‍ റെയില്‍വേ സ്റ്റേഷില്‍ പ്രത്യേക അന്വേഷണസംഘം പിടികൂടിയത്.പെരുമ്പടപ്പ് സിഐ സന്തോഷിന്റെ നേതൃത്വത്തില്‍ എസ്ഐ ശ്രീകാന്ത്,എഎസ്ഐ മാരായ
മുരളീകൃഷ്ണദാസ്,ഉദയന്‍,സിപിഒ ഗിരീഷ്,എസ് സിപിഒ കബില്‍,ഉണ്ണികൃഷ്ണദാസ്,അക്ബര്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്.പിടിയിലായ പ്രതിയെ പൊന്നാനി ജുഡീഷ്യല്‍ മജിസ്ട്രേറ്റ് കോടതിയില്‍ ഹാജറാക്കി റിമാന്റ് ചെയ്തു.