ഓപറേഷന്‍ തൂഫാന്‍’വിദ്യാര്‍ത്ഥികള്‍ അടക്കമുള്ളവര്‍ക്ക് കഞ്ചാവ് വില്‍പന.നടുവട്ടത്ത് വസ്ത്രക്കടയില്‍ കഞ്ചാവ് വില്‍പന നടത്തി വന്ന ജീവനക്കാര്‍ പിടിയില്‍

ചങ്ങരംകുളം:ഓപ്പറേഷൻ തൂഫാന്റെ ഭാഗമായി നടന്ന പരിശോധനയില്‍ വിദ്യാര്‍ത്ഥികള്‍ അടക്കമുള്ളവര്‍ക്ക് കഞ്ചാവ് വില്‍പന നടത്തിയ 2 പേരെ ചങ്ങരംകുളം പോലീസും തിരൂര്‍ ഡിവൈഎസ്പി ക്ക് കീഴിലുള്ള ഡാന്‍സഫ് ടീമും കൂടി പിടികൂടി.നടുവട്ടത്ത് സ്വകാര്യ വസ്ത്രക്കടയില്‍ ജോലി ചെയ്തിരുന്ന അയിലക്കാട് സ്വദേശികളായ അഭിനവ്(21)ഇന്ദ്രജിത്ത് (18)എന്നിവരെയാണ് 110 ഗ്രാം കഞ്ചാവുമായി അന്വേഷണസംഘം പിടികൂടിയത്.ഇവര്‍ ജോലി ചെയ്തിരുന്ന നടുവട്ടത്തെ വസ്ത്രക്കടയിലാണ് വിദ്യാര്‍ത്ഥികള്‍ അടക്കമുള്ളവര്‍ക്ക് കഞ്ചാവ് വില്‍പന നടത്തിയിരുന്നത്.രഹസ്യ വിവരത്തെ തുടര്‍ന്ന് ചങ്ങരംകുളം എസ്ഐ നസിയ എം സാഹിബ്,എഎസ്ഐ രാജേഷ്,ബാബുരാജ്,സിപിഒ മാരായ ഉണ്ണിക്കുട്ടന്‍,ശ്രീഷ്,നിധിന്‍ എന്നിവര്‍ ചേര്‍ന്നാണ് പ്രതികളെ പിടികൂടിയത്