റോഡിന് നടുവില്‍ വൈദ്യുതി പോസ്റ്റ് ‘ചിയ്യാനൂരില്‍ യാത്രാതടസം സൃഷ്ടിക്കുന്ന പോസ്റ്റ് മാറ്റണമെന്ന് നാട്ടുകാര്‍

ചങ്ങരംകുളം:റോഡിന് നടുവില്‍ സ്ഥിതി ചെയ്യുന്ന വൈദ്യുതി പോസ്റ്റ് മാറ്റി സ്ഥാപിക്കണമെന്ന ആവശ്യവുമായി നാട്ടുകാര്‍ രംഗത്ത്.ചങ്ങരംകുളം ചിയ്യാനൂര്‍ ഹാപ്പിനസ് പാര്‍ക്ക് റോഡില്‍ നിന്ന് ആലംകോട് ഭാഗത്തേക്ക് പോകുന്ന നാട്ടുകല്ലിങ്ങല്‍ റോഡിലാണ് വാഹനങ്ങള്‍ക്ക് തടസ്സം സൃഷ്ടിക്കുന്ന പോസ്റ്റ് സ്ഥിതി ചെയ്യുന്നത്.വാഹനങ്ങള്‍ അപകടത്തില്‍ പെടുന്നതിനും മറ്റു വൈദ്യുതി ദുരന്തങ്ങള്‍ക്കും റോഡിലെ വൈദ്യുതി കാല്‍ കാരണമാകുമെന്നും നാട്ടുകാര്‍ ആരോപിക്കുന്നു.റോഡ് കോണ്‍ഗ്രീറ്റ് ചെയ്തതതോടെയാണ് പോസ്റ്റ് റോഡിലേക്ക് തള്ളി നിക്കുന്ന അവസ്ഥയിലായത്.ചാലിശ്ശേരി വൈദ്യുതി സെക്ഷനില്‍ ഉള്‍പ്പെടുന്ന പോസ്റ്റ് മാറ്റാന്‍ വൈദ്യുതി വകുപ്പ് ഇടപെടണമെന്നും മഴ ശക്തി പ്രാപിക്കുന്നതിന് മുമ്പ് പോസ്റ്റ് സുരക്ഷിത സ്ഥാനത്തേക്ക് മാറ്റി സ്ഥാപിക്കണമെന്നുമാണ് നാട്ടുകാരുടെ ആവശ്യം