ചങ്ങരംകുളം:ജിമ്മില് കയറി ഫിറ്റ് നസ് ട്രെയിനറെ അക്രമിച്ച് പരിക്കേല്പിച്ചു.എടപ്പാള് റോഡിൽ പ്രവർത്തിക്കുന്ന സിയോൻ ഫിറ്റ്നസ് ക്ലബ്ബിലെ ട്രൈനറെയാണ് 15 ഓളം വരുന്ന സംഘം അക്രമിച്ചത്.അക്രമത്തില് പരിക്കേറ്റ ഒതളൂർ സ്വദേശി പയ്യപ്പുറത്ത് വീട്ടിൽ മുനീറിനെ ചങ്ങരംകുളത്തെ സ്വകാര്യ ആശുപത്രിയില് പ്രവേശിപ്പിച്ചു.ഞായറാഴ്ച ഉച്ചയോടെ ഓണം ഫെസ്റ്റിവലിന്റെ ഭാഗമായി ജിമ്മിൽ സംഘടിപ്പിച്ച പരിപാടിക്ക് ഇടയിലേക്ക് പതിനഞ്ചോളം വരുന്ന സംഘം മുന്നറിയിപ്പില്ലാതെ കയറിവന്ന് അപ്രതീക്ഷിതമായി അക്രമം അഴിച്ച് വിടുകയായിരുന്നു.ക്ലബ്ബിലെ വൈദ്യുതി വിച്ഛേദിച്ചതിനുശേഷം ആണ് സംഘം അക്രമം നടത്തിയത്.ക്ലബ്ബിലെ ടമ്പിൾസ് കൊണ്ട് അക്രമി സംഘം മര്ദ്ധിച്ചെന്ന് മുനീർ പറഞ്ഞു.സാമ്പത്തിക ഇടപാടാണ് അക്രമത്തിന് പിന്നിലെന്നാണ് നിഗമനം.സംഭവത്തില് ചങ്ങരംകുളം പോലീസിൽ ലഭിച്ച പരാതിയില് അന്വേഷണം ആരംഭിച്ചിട്ടുണ്ട്