ആവേശക്കടലായി പൊന്നാനി;ശക്തിപ്രകടനം നടത്തി എൽ.ഡി.എഫ് യുവജന റാലി

പൊന്നാനി:തിരഞ്ഞെടുപ്പ് പ്രചാരണം അവസാന ഘട്ടത്തിലേക്ക് കടക്കവെ, പൊന്നാനി മണ്ഡലത്തിൽ ശക്തി തെളിയിച്ച് എൽ.ഡി.എഫ് യുവജന സംഘടനകളുടെ റാലി. പാലപ്പെട്ടി,ഹാർബർ മേഖലയിൽ നിന്ന് നൂറുകണക്കിന് പ്രവർത്തകരുടെ പങ്കാളിത്തത്തോടെ ആരംഭിച്ച പ്രകടനം ആവേശകരമായ മുദ്രാവാക്യം വിളികളോടെ പുതുപൊന്നാനിയിൽ സമാപിച്ചു. ചുവപ്പ് വസ്ത്രങ്ങളണിഞ്ഞും പതാകകളേന്തിയും യുവാക്കൾ അണിനിരന്ന റാലി, മണ്ഡലത്തിലെ ഇടതുപക്ഷത്തിന്റെ സംഘാടന മികവ് വിളിച്ചോതുന്നതായിരുന്നു. വിവിധ കേന്ദ്രങ്ങളിൽ നൽകിയ സ്വീകരണങ്ങൾ ഏറ്റുവാങ്ങി നീങ്ങിയ റാലി സമാപനത്തോടെ വലിയൊരു ജനസംഗമമായി മാറി.കുമ്പളത്തുപടിയിൽ നടന്ന കെ എസ് ആർ ടി ഇ എ കുടുംബ സംഗമത്തിൽ പങ്കെടുത്ത ശേഷം പുനർഹംപദ്ധതിയിലൂടെ ഫ്ലാറ്റ് ലഭിച്ച കുടുംബാംഗങ്ങൾ സംഘടിപ്പിച്ച സ്വീകരണ പരിപാടിയിൽ പങ്കെടുത്തു. വൈകിട്ട് പുതുപൊന്നാനിയിൽ നടന്ന യുവജന സംഘടനകളുടെ റാലിയുടെ സമാപന ചടങ്ങിലും പങ്കെടുത്തു.