ഇടുക്കി തൂക്കുപാലത്ത് നഗരമധ്യത്തില് യുവാവിനെ കുത്തിക്കൊന്നു.ഓട്ടോറിക്ഷ ഡ്രൈവറായ രതീഷ് ചന്ദ്രനാണ് കൊല്ലപ്പെട്ടത്.ബന്ധുവായ പ്രതി അനൂപിനെ പൊലീസ് കസ്റ്റഡിയിലെടുത്തു
ഇന്നലെ വൈകീട്ട് ആറരയോടെയാണ് ദാരുണമായ സംഭവമുണ്ടാകുന്നത്. കുടുംബപ്രശ്നമാണ് കൊലപാതകത്തിലേക്ക് നയിച്ചതെന്നാണ് വിവരം. രതീഷിന്റെ പിതൃസഹോദരനാണ് അനൂപ്. വൈകീട്ട് മുതല് ഇവര് തമ്മില് തര്ക്കങ്ങളുണ്ടായിരുന്നു. രതീഷും സുഹൃത്തുക്കളും ഓട്ടോറിക്ഷയില് തൂക്കുപാലം വഴി വരുന്നതിനിടെ അനൂപ് വാഹനം കൈകാണിച്ച് നിര്ത്തുകയും രതീഷ് എന്താണെന്ന് ചോദിക്കാനായി പുറത്തിറങ്ങിയ ഉടന് കൈയില് കരുതിയിരുന്ന കത്തി ഉപയോഗിച്ച് കുത്തുകയുമായിരുന്നു
രതീഷ് ചന്ദ്രന്റെ ദേഹത്താകെ മുറിവുകളുണ്ട്. അതിക്രൂരമായാണ് ബന്ധു ഇയാളെ കത്തികൊണ്ട് ആക്രമിച്ചതെന്നാണ് പൊലീസ് പറയുന്നത്. കൃത്യത്തില് നിന്ന് അനൂപിനെ പിന്തിരിപ്പിക്കാനായി രതീഷിന്റെ സുഹൃത്തുക്കളില് ചിലര് ശ്രമിച്ചെങ്കിലും അവര്ക്ക് നേരെയും രതീഷിന്റെ ആക്രമണമുണ്ടായി. ചിലര്ക്ക് പരുക്കേറ്റിട്ടുണ്ട്. ഇവര് ആശുപത്രിയില് ചികിത്സ തേടി. രണ്ടുപേരും തമ്മില് മുമ്പ് മുതല് പ്രശ്നങ്ങള് നിലനിന്നിരുന്നുവെന്ന് സുഹൃത്തുക്കള് പറയുന്നു.അരുംകൊലയ്ക്ക് അനൂപിനെ പ്രേരിപ്പിച്ചതെന്തെന്ന് പൊലീസ് അന്വേഷിച്ച് വരികയാണ്. അനൂപ് നിലവില് പൊലീസ് കസ്റ്റഡിയിലാണ്
