വായനദിനത്തില്‍ Erudire Teach Her Training Foundation വിദ്യാർത്ഥിനികൾമൈത്രി വായനശാല സന്ദർശിച്ചു.

എരമംഗലം:വായനാദിനത്തോടനുബന്ധിച്ച് Erudire Teach Her Training Foundation വിദ്യാർത്ഥിനികൾ ഡയറക്ടര്‍ ബൽക്കീസ് നസീറിന്റെ നേതൃത്വത്തിൽ മൈത്രി വായനശാല സന്ദർശിച്ചു.വായനയുടെ പ്രാധാന്യവും, വായനശാലകളുടെ പങ്കും കുട്ടികൾക്ക് പരിചയപെടുത്തികൊടുക്കുക എന്ന ലക്ഷ്യത്തോടെയായിരുന്നു സന്ദർശനം.മൈത്രി പ്രസിഡന്റ് കാട്ടിൽ മുഹമ്മദ് കുട്ടി,വായനശാല പ്രസിഡന്റ് ഖാലിദ് മംഗലത്തേൽ, വൈസ് പ്രസിഡന്റ് എ. ടി. അലി, എക്സിക്യൂട്ടീവ് അംഗം രുദ്രൻ വാരിയത്ത്,ലൈബ്രറിയൻ സബിത എന്നിവർ ചേർന്ന് ഹൃദ്യമായി സ്വീകരിച്ചു.കുട്ടികൾക്ക് മികച്ച മാർഗ്ഗ നിർദ്ദേശങ്ങളും പ്രോത്സാഹനവും നൽകി. ചടങ്ങിൽ ബൽക്കീസ് നസീർ “പർവ്വതത്തിൽ പുനർജന്മം “എന്ന പുസ്തകം വായനശാലക്ക്‌ സ്നേഹോപഹാരമായി സമ്മാനിച്ചു. എ. ടി. അലി രചിച്ച “നന്മയുടെ സഹവർത്തിത്വം”എന്ന പുസ്തകവും, രുദ്രൻ വരിയത്തിന്റെ “കലിയുഗ കാഴ്ചകൾ”എന്ന കവിതാ സമാഹാരവും വായനശാലക്ക് കൈമാറി വയനോടുള്ള താല്പര്യം വളർത്താനും, പുസ്തകങ്ങളുടെ ലോകം കൂടുതൽ അടുത്തറിയാനും ഈ സന്ദർശനം ഏറെ സഹായകമായി.പരിപാടിയിൽ വെച്ച് വിദ്യാർത്ഥിനികൾ വായനശാല അംഗത്വം സ്വീകരിച്ചു.അറിവിലേക്കുള്ള ഏറ്റവും മനോഹരമായ വഴിയാണ് വായന എന്ന തിരിച്ചറിവ് കുട്ടികളിൽ വളർത്താൻ പ്രവർത്തനങ്ങൾ ഏറെ സഹായകമായി.എല്ലാ വിദ്യാർത്ഥിനികളും സജീവമായി ചർച്ചയിൽ പങ്കെടുത്തു.വായന തുടരാം’ചിന്തിച്ച് വിവേകം നേടാം.. ‘അറിവിന്റെ വെളിച്ചം പകരാം’ എന്ന മഹത്തായ സന്ദേശവുമായാണ് കുട്ടികൾ മടങ്ങിയത്