വനിതാ ദിനത്തിൽ വനിതാ ജനപ്രതിനിധികൾക്ക് ആദരം.

ചങ്ങരംകുളം: മാർച്ച് 8 ലോക വനിതാ ദിനത്തിൽ വനിതാ ജനപ്രതിനിധികൾക്ക് ആദരം ഒരുക്കി ആലംകോട് മണ്ഡലം കോൺഗ്രസ് കമ്മറ്റി. ആലംകോട് പഞ്ചായത്തിൽ നിന്നും കഴിഞ്ഞ തദ്ദേശ തിരഞ്ഞെടുപ്പിൽ തിരഞ്ഞെടുക്കപ്പെട്ട വനിതാ ജനപ്രതിനിധികൾക്കാണ് ആദരം ഒരുക്കിയത്. ആലംകോട് മണ്ഡലം കോൺഗ്രസ് കമ്മറ്റി പ്രസിഡന്റ് ശ്രീ രഞ്ജിത്ത് അടാട്ട് അധ്യക്ഷം വഹിച്ച ചടങ്ങ് വെളിയംകോട് ബ്ലോക്ക് കോൺഗ്രസ് കമ്മറ്റി അധ്യക്ഷൻ പി ടി കാദർ ഉദ്ഘാടനം ചെയ്തു. ഡിസിസി അംഗം ഹുറൈർ കൊടക്കാട്ട് മുഖ്യ പ്രഭാഷണം നടത്തി. കുഞ്ഞു കോക്കൂർ, എൻ വി സുബൈർ, മാമു വളയംകുളം, സുഹൈർ എറവറാംകുന്ന്, സുജിത സുനിൽ, കെ വി സിദ്ദീഖ്, ഷറഫു മാന്തടം, സിന്ധു മോഹൻ,ശ്രീദിവ്യ കാളാച്ചാൽ ,ഫൗസിയ പെരുമുക്ക്, ഷെറീന ഇസ്മായിൽ തുടങ്ങിയവർ സംസാരിച്ചു.