ചാലിശ്ശേരി സെന്റ് പീറ്റേഴ്സ് ആൻ്റ് സെന്റ് പോൾസ് യാക്കോബായ സുറിയാനി പള്ളിയിൽ പാത്രിയർക്ക പതാക പ്രയാണത്തിന് സ്വീകരണം നൽകി

ചാലിശ്ശേരി സെന്റ് പീറ്റേഴ്സ് ആൻ്റ് സെന്റ് പോൾസ് യാക്കോബായ സുറിയാനി പള്ളിയിൽ പാത്രിയർക്ക പതാക പ്രയാണത്തിന് സ്വീകരണം നൽകി.വടക്കൻ പറവൂർ സെന്റ് തോമസ് യാക്കോബായ സുറിയാനി പള്ളിയിൽ കബറടങ്ങിയിരിക്കുന്ന പരിശുദ്ധ മോർ ഗ്രിഗോറിയോസ് ബാവയുടെ 345 മത് ഓർമ്മപ്പെരുന്നാളിന്റെ ഭാഗമായി വെള്ളിയാഴ്ച മലപ്പുറം ജില്ലയിലെ പൊന്നാനി കടപ്പുറത്ത് നിന്ന് വികാരി ഫാ.എൽദോ ആലുക്ക,മുൻ സെക്രട്ടറി നിബു കുര്യൻ,ജയ്സൻ ജോയ്,ഷൈജു,ജോയ്,പാടത്തുപറമ്പിൽ, ജോയ് കടേപ്പറമ്പിൽ, ലാലു വർക്കി, ജിതിൻ മാഞ്ഞൂരാൻ, റിജോ പാറക്കൽ, അഖിൽ എൽദോ, എബിൻ ജേക്കബ്, ഗലീൽ പി സി, അബിൻ ബെഞ്ചമിൻ എന്നിവരുടെ നേതൃത്വത്തിൽ നിന്ന് ആരംഭിച്ച പാത്രിയർക്ക പതാക പ്രയാണത്തിനാണ് ഞായറാഴ്ച ചാലിശ്ശേരിയിൽ സ്വീകരണം നൽകിയത്.തൃശ്ശൂർ ഭദ്രാസനത്തിലെ ആദ്യ സ്വീകരണമായിരുന്നു ചാലിശ്ശേരിയിലേത് പള്ളിയിൽ വികാരി ഫാ. അബ്രഹാം യാക്കോബ് പൂവത്തുമണ്ണിൽ, ട്രസ്റ്റി സി യു ശലമോൻ, സെക്രട്ടറി ടൈറ്റസ് ഡേവിഡ് എന്നിവരും വിശ്വാസികളും ചേർന്ന് പാത്രിയർക്ക പതാക പ്രയാണത്തെ സ്വീകരിച്ചു.വടക്കൻ പറവൂർ പള്ളി വികാരി ഫാ.എൽദോ ആലുക്ക ധൂപ പ്രാർത്ഥന നടത്തി.കൊല്ലവർഷം 1660 കടൽ മാർഗം യാത്ര ചെയ്ത് ബാവ ആദ്യം കേരളക്കരയിൽ ഇറങ്ങിയത് മലപ്പുറം പൊന്നാനി
കടപ്പുറത്തായിരുന്നു.ഇതിൻറെ ഓർമ്മ പുതുക്കിയാണ് പൊന്നാനിയിൽ നിന്ന് ശനിയാഴ്ച ദീപശിഖാ പ്രയാണം ആരംഭിച്ച് മലബാർ ,കോഴിക്കോട് ഭദ്രാസനങ്ങളിലെ വിവിധ പള്ളികളിലെ സ്വീകരണത്തിന് ശേഷം ഞായറാഴ്ച തൃശ്ശൂർ ഭദ്രാസനത്തിലേക്ക് പ്രവേശിച്ചത്.തൃശൂർ ഭദ്രാസനത്തിലെ വിവിധ പള്ളികളിൽ ദീപശിഖാ പ്രയാണം നടത്തി
ഞായറാഴ്ച വൈകിട്ട് വടക്കൻ പറവൂരിലെത്തും.വടക്കൻ പറവൂർ സെന്റ് തോമസ് യാക്കോബായ സുറിയാനി പള്ളിയിൽ കാലം ചെയ്ത മോർ ഗ്രിഗോറിയോസ് ബാവയുടെ 345 ആം ഓർമ്മപ്പെരുന്നാൾ ഏപ്രിൽ 24,25, 26,27 തീയതികൾ ആചരിക്കും. ദീപശിഖാ പ്രയാണം സ്വീകരണത്തിന് വികാരി ഫാ.അബ്രഹാം യാക്കോബ് പൂവത്തുമണ്ണിൽ , ട്രസ്റ്റി സി.യു ശലമോൻ , സെക്രട്ടറി ടൈറ്റസ് ഡേവിഡ് എന്നിവർ നേതൃത്വം നൽകി.