അശ്ലീല പ്രദർശനം നടത്തുകയും അസഭ്യം പറയുകയും ചെയ്തെന്ന് പരാതി’പെരുമ്പിലാവിൽ യുവതിയുടെ പരാതിയില്‍ ചങ്ങരംകുളം സ്വദേശികളായരണ്ട് പേർ അറസ്റ്റിൽ

കുന്നംകുളം:പെരുമ്പിലാവിലെ യുവതിക്കും സുഹൃത്തുക്കൾക്കും നേരെ അശ്ലീല പ്രദർശനം നടത്തുകയും അസഭ്യം പറയുകയും ചെയ്തെന്ന പരാതിയില്‍ രണ്ട് പേരെ കുന്നംകുളം പോലീസ് അറസ്റ്റ് ചെയ്തു.ചങ്ങരംകുളം മൂക്കുതല സ്വദേശികളായ പ്രകാശൻ (49)വിവേക് (34) എന്നിവരാണ് പിടിയിലായത്.ശനിയാഴ്ച രാത്രി 11 മണിയോടെ പെരുമ്പിലാവിലെ സ്വകാര്യ ഹോട്ടലിനു മുൻപിൽ വച്ചായിരുന്നു സംഭവം.ചാവക്കാട് നിന്നും ചങ്ങരംകുളത്തേക്ക് പോകുന്ന വഴി ഭക്ഷണം വാങ്ങാനായി ഹോട്ടലിന് മുന്നിൽ കാറിൽ നിർത്തിയതായിരുന്നു പരാതിക്കാരിയും സുഹൃത്തുക്കളും. ഈ സമയം അവിടെയുണ്ടായിരുന്ന ഒന്നാം പ്രതി പ്രകാശൻ യുവതിയെ നോക്കി ലൈംഗിക ചുവയോടെ ആംഗ്യം നഗ്നത പ്രദർശനം നടത്തുകയായിരുന്നു എന്ന് പരാതിയിൽ പറയുന്നു.ഇതിനെ ചോദ്യം ചെയ്ത യുവതിയെയും സുഹൃത്തുക്കളെയും രണ്ടാം പ്രതിയായ വിവേക് അസഭ്യം പറയുകയും മോശമായി പെരുമാറുകയും ചെയ്തു. സംഭവത്തിന് പിന്നാലെ യുവതി നൽകിയ പരാതിയുടെ അടിസ്ഥാനത്തിൽ പോലീസ് സ്ഥലത്തെത്തി പ്രതികളെ കസ്റ്റഡിയിലെടുക്കുകയായിരുന്നു. തുടർന്ന് അറസ്റ്റ് രേഖപ്പെടുത്തിയ പ്രതികളെ വൈദ്യ പരിശോധനയ്ക്ക് ശേഷം ചാവക്കാട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ റിമാൻഡ് ചെയ്തു.