വിഡി സതീശന്‍ നയിക്കുന്ന പുതുയുഗ യാത്രയുടെ മലപ്പുറം ജില്ലാ പര്യടനം എടപ്പാളില്‍ സമാപിച്ചു

എടപ്പാള്‍:വെന്റിലേറ്ററിലുള്ള കേരളത്തെ പുനര്‍ ജനിപ്പിച്ച് ആരോഗ്യത്തിന്റെ ലക്ഷ്യസ്ഥാനമായി കേരളത്തെ മാറ്റുമെന്ന് പ്രതിപക്ഷ നേതാവ് വിഡി സതീഷന്‍ പറഞ്ഞു.യുഡിഎഫ് പുതുയുഗ യാത്രയുടെ മലപ്പുറം ജില്ലാ സമാപനപരിപാടിയില്‍ എടപ്പാളില്‍ സംസാരിക്കുകയായിരുന്നു അദ്ധേഹം.കേരളത്തിലെ കുട്ടികള്‍ കേരളത്തില്‍ തന്നെ പഠനം തുടരുക എന്നതിനപ്പുറം മറ്റു രാജ്യങ്ങളിലെ വിദ്യാര്‍ത്ഥികള്‍ വരെ കേരളത്തില്‍ തുടര്‍പഠനത്തിന് എത്തുന്ന വിദ്യാഭ്യാസ സാഹചര്യം പുനര്‍സൃഷ്ടിക്കും.ടൂറിസം മേഖലയില്‍ നിരവധി സാധ്യകള്‍ കേരളത്തിലുണ്ടെന്നും അധികാരം കിട്ടുന്നതോടെ തീരദേശ മേഖലയെ സംയോജിപ്പിച്ച് മിഷല്‍ സമുദ്ര എന്ന പേരില്‍ കോസ്റ്റല്‍ ഷിപ്പിങ് അടക്കമുള്ള വലിയ പദ്ധതികള്‍ കേരളത്തില്‍ നടപ്പിലാക്കുമെന്നും വിഡി സതീഷന്‍ പറഞ്ഞു. കേരളത്തെ ലോകത്തിന് തന്നെ മാതൃകയാകുന്ന ഏറ്റവും വലിയ
തുറമുഖ നഗരമാക്കുന്ന പദ്ധതിക്ക് രൂപം നല്‍കുമെന്നും തൊഴില്‍ രഹിതരായവര്‍ക്ക് മുഴുവന്‍ തൊഴില്‍ നല്‍കുന്ന വിപുലമായ പദ്ധതികള്‍ ആവിഷ്കരിച്ച് നടപ്പിലാക്കുമെന്നും സതീശന്‍ കൂട്ടിച്ചേര്‍ത്തു.അഷറഫ് കോക്കൂര്‍ സ്വാഗതം പറഞ്ഞ യോഗത്തില്‍ പിടി അജയ് മോഹന്‍ അധ്യക്ഷത വഹിച്ചു.എഎം ഷംസീര്‍,കെഎം ഷാജി,ആബിദ് ഹുസൈന്‍ തങ്ങള്‍,അബ്ദു സമദ് സമദാനി,സന്ദീപ് വാര്യര്‍ തുടങ്ങി പ്രമുഖര്‍ സംസാരിച്ചു