വീണ്ടും തീ തുപ്പുന്ന വാഹനം’പിടികൂടി ചങ്ങരംകുളം പോലീസ് ‘കാറിലുണ്ടായിരുന്നവര്‍ ഓടി രക്ഷപ്പെട്ടു

എടപ്പാള്‍:വീണ്ടും തീ തുപ്പുന്ന വാഹനം പിടികൂടി പോലീസ്.എടപ്പാള്‍ ടൗണില്‍ തൃശ്ശൂര്‍ റോഡില്‍ ശനിയാഴ്ച രാത്രിയാണ് സംഭവം.തീ തുപ്പുന്ന വാഹനം ശ്രദ്ധയില്‍ പെട്ടതോടെ ചങ്ങരംകുളം പോലീസ് വാഹനത്തെ പിന്തുടര്‍ന്നെങ്കിലും കാറിലുണ്ടായിരുന്നവര്‍ കാര്‍ നിര്‍ത്തി ലോക്ക് ചെയ്ത് രക്ഷപ്പെടുകയായിരുന്നു. ചങ്ങരംകുളം സിഐ ഷൈനിന്റെ നിര്‍ദേശപ്രകാരം എഎസ്ഐ ഹരികുമാര്‍,സിപി പ്രിനീഷ് ബാബു,ശ്രീഷ് എന്നിവരുടെ നേതൃത്വത്തിലുള്ള സംഘം കാര്‍ കസ്റ്റഡിയില്‍ എടുക്കുകയായിരുന്നു.പിന്നീട് ക്രെയിന്‍ എത്തിച്ചാണ് കസ്റ്റഡിയില്‍ എടുത്ത കാര്‍ സ്റ്റേഷനിലേക്ക് മാറ്റിയത്.കാറിന് മാറ്റങ്ങള്‍ വരുത്തി പുറകില്‍ സൈലന്‍സര്‍ പിടിപ്പിച്ച് തീ തുപ്പി പായുന്ന കാറാണ് ചങ്ങരംകുളം പോലീസ് പിടികൂടി സ്റ്റേഷനില്‍ എത്തിച്ചത്.കാറിന്റെ ഉടമകളെ കണ്ടെത്താന്‍ പോലീസ് അന്വേഷണം ആരംഭിച്ചിട്ടുണ്ട്.