വടക്കാഞ്ചേരി കോഴ വിവാദം; ‘പണം വാങ്ങിയിട്ടില്ല, കിട്ടിയിട്ടും ഇല്ല; ഒരു തമാശക്ക് പറഞ്ഞതാണ്’; വിശദീകരണവുമായി ഇയു ജാഫർ

വടക്കഞ്ചേരി ബ്ലോക്ക് പഞ്ചായത്ത് തിരഞ്ഞെടുപ്പുമായി ബന്ധപ്പെട്ട് എൽഡിഎഫുമായി ഒരു ഡീലും ഇല്ലെന്ന് മുസ്ലീം ലീഗ് സ്വതന്ത്രനായ ഇയു ജാഫർ. ഇതുമായി ബന്ധപ്പെട്ട ശബദരേഖ തന്റേതാണ്. ശബ്‌ദ സന്ദേശം എന്റ തന്നെയാണ്. പണം വാങ്ങിയിട്ടില്ലെന്നും താൻ തമാശക്ക് പറഞ്ഞതാണെന്നും ജാഫർ പറഞ്ഞു. ഏത് അന്വേഷണത്തെയും നേരിടാൻ തയ്യാറാണെന്നും ഇയു ജാഫർ പറഞ്ഞു.വിജിലൻസ് അന്വേഷണം നടക്കട്ടെ. പണം കിട്ടിയിട്ടുണ്ട് എങ്കിൽ അവർ അന്വേഷിച്ച് തെളിയിക്കട്ടെ. സിപിഐഎമ്മിന്റെ ആളുകൾ വിളിക്കുന്നുണ്ട്. താൻ അവരെ സപ്പോർട്ട് ചെയ്യില്ലെന്ന് സിപിഐഎമ്മിന് അറിയാമെന്ന് ജാഫർ പറഞ്ഞു. തിരഞ്ഞെടുപ്പിൽ ഒരു അബദ്ധം പറ്റിയതാണെന്നും എങ്ങനെയോ സംഭവിച്ചു പോയെന്നും ജാഫർ വിശദീകരിച്ചു.തൃശൂര്‍ വടക്കാഞ്ചേരിയില്‍ കൂറുമാറ്റത്തിന് സിപിഐഎം അമ്പത് ലക്ഷം രൂപ കോഴ വാഗ്ദാനം ചെയ്‌തെന്നാണ് മുസ്ലിം ലീഗ് സ്വതന്ത്രന്റെ വെളിപ്പെടുത്തല്‍. ബ്ലോക്ക് പഞ്ചായത്ത് പ്രസിഡന്റ് തിരഞ്ഞെടുപ്പില്‍ കൂറുമാറി വോട്ട് ചെയ്യാന്‍ കോഴ വാഗ്ദാനം ലഭിച്ചെന്ന് ലീഗ് സ്വതന്ത്രന്‍ ഇ യു ജാഫര്‍ പറയുന്ന ഫോണ്‍ സംഭാഷണം പുറത്തുവന്നു. വരവൂര്‍ കോണ്‍ഗ്രസ് മണ്ഡലം പ്രസിഡന്റ് എ എ മുസ്തഫയുമായി നടത്തിയ ഫോൺ സംഭാഷണമാണ് പുറത്തുവന്നത്.