ചങ്ങരംകുളത്ത് കെട്ടിടത്തിന് തീപിടിച്ചു’ലക്ഷങ്ങളുടെ നഷ്ടം..

ചങ്ങരംകുളം ടൗണില്‍ കെട്ടിടത്തിന് തീപിടിച്ച് ലക്ഷങ്ങളുടെ നഷ്ടം.സമീപത്തെ കെട്ടിടങ്ങളിലേക്കും അടക്ക ഗോഡൗണുകളിലേക്കും തീ പടരാതിരുന്ന ത് വലിയ അപകടം ഒഴിവാക്കി.ചങ്ങരംകുളം ഹൈവേ ജംഗ്ഷനില്‍ ചിയ്യാനൂര്‍ റോഡില്‍ ആലംകോട് ഗ്രാമപഞ്ചായത്ത് ഓഫിസിന് സമീപത്ത് നിരവധി കച്ചവട സ്ഥാപനങ്ങള്‍ സ്ഥിതി ചെയ്യുന്ന പഴയ കെട്ടിടത്തില്‍ ഗോള്‍ഡ് ജീവനക്കാരുടെ യന്ത്രസാമഗ്രികള്‍ സൂക്ഷിച്ച മുറിയിലാണ് തീ പിടുത്തം ഉണ്ടായത്.ബുധനാഴ്ച വൈകിയിട്ട് ആറര മണിയോടെയാണ് സംഭവം.തീ പിടിച്ചത് ശ്രദ്ധയില്‍ പെട്ട ഇവിടെ താമസിക്കുന്നവരും നാട്ടുകാരും ചേര്‍ന്ന് തീ അണക്കാന്‍ ശ്രമിച്ചെങ്കിലും ഫലം കണ്ടില്ല.തുടര്‍ന്ന് കെഎസ്ഇബി ജീവനക്കാരും ചങ്ങരംകുളം പോലീസും,പൊന്നാനിയില്‍ നിന്നെത്തിയ ഫയര്‍ഫോഴ്സും ചേര്‍ന്ന് ഏറെ നേരത്തെ പരിശ്രമത്തിനൊടുവില്‍ തീ അണച്ചു.റൂമില്‍ സൂക്ഷിച്ച സ്വര്‍ണ്ണാഭരണ ഉപകരണങ്ങളും കട്ടിലുകളും അടക്കം പൂര്‍ണ്ണമായും കത്തി.ആഭരണ നിര്‍മാണത്തിന് ഉപയോഗിക്കുന്ന ഗ്യാസ് ലീക്ക് വന്ന് കത്തിയതാണെന്നാണ് പ്രാഥമികനിഗമനം.