എടപ്പാള്:റോഡ് സുരക്ഷാ ബോധവൽക്കരണ ക്യാമ്പയിൻ്റെ ഭാഗമായി സംസ്ഥാന പാതയിൽ ഹൈവെ പോലീസ് നടത്തുന്ന ട്രാഫിക് പരിശോധനക്കും ബോധവൽക്കരണത്തിനും തുടക്കമായി.തിങ്കളാഴ്ച എടപ്പാളിലാണ് ട്രാഫിക് പരിശോധനയും ബോധവൽക്കരണവും നടത്തിയത്.സംസ്ഥാന പോലീസ് ജനങ്ങൾക്കിടയിൽ ട്രാഫിക് സുരക്ഷാ ബോധം വളർത്തുന്നതിനും അപകടങ്ങൾ കുറയ്ക്കുന്നതിനുമായാണ് ബോധവൽക്കരണവുമായി രംഗത്ത് എത്തിയത്.മഴക്കാലത്ത് വാഹനങ്ങളുടെ ഹെഡ്ലൈറ്റ്,ഇൻഡികേറ്റർ എന്നിവ പ്രവർത്തിക്കുന്നവര്ക്കും ലൈസൻസ് ,ഇൻഷൂറൻസ്, പുക ടെസ്റ്റ് , ,ഹൈൽമറ്റ് എന്നിവ ശരിയായി രീതിയിൽ കൈവശം ഉള്ളവർക്കും പോലീസ് മിഠായികൾ നൽകി.
അമിതവേഗത ,ഇരുചക്ര വാഹനത്തിൽ കൂടുതൽ പേരുമായി
പാതയിലൂടെ പോകുന്ന യാത്രികർക്ക് സുരക്ഷാ നിർദ്ദേശങ്ങൾ പങ്കുവെച്ചു.ലൈറ്റുകൾ പ്രവർത്തിച്ചില്ലെങ്കിൽ ഉണ്ടാകാവുന്ന അപകടസാധ്യതകളെ കുറിച്ചും പൊലീസും ബോധവൽക്കരണം നടത്തി. എടപ്പാൾ റെഹാൻ കോളേജ് ഓഫ് ഒപ്റ്റോമെട്രി ആൻ്റ് ഹെൽത്ത് സയൻസിലെ ഡോ. ബർലി , ആയിഷ അഫ്സാൻ തുടങ്ങിയവരും വിദ്യാർത്ഥികളായ സഫ ,ഹുദ്ദ ,റിൻഷിദ , ഫാഹിമ , റീമോൾ , ഇർഫാൻ , ഫയിസ് , റംലാൻ ,സിനാൻ ,ഷാഹിദ് എന്നിവർ ബോധവൽക്കരണത്തിൽ പങ്കാളികളായി.വാഹനപരിശോധനയിലും , ബോധവൽക്കരണ പരിപാടിയിലും
ഹൈവേ പോലീസ് സബ് ഇൻസ്പെക്ടർ നസീർ തിരൂർക്കാട് ,എ എസ് ഐ റഷീദ് പാറക്കൽ ,സി പി ഒ മാരായ എം. ജെ പ്രവീൺകുമാർ ,എസ്. ആർ സുധീഷ്
പരിശോധനക്ക് നേതൃത്വം നൽകി.തുടർ ദിവസങ്ങളിൽ കൂടുതൽ സ്ഥലങ്ങളിൽ പരിശോധന തുടരുമെന്ന് പോലീസ് അറിയിച്ചു.
