സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ആറ് ജില്ലകളിൽ ഓറഞ്ച് അലേർട്ടും എട്ടിടത്ത് യെല്ലോ അലേർട്ടും പ്രഖ്യാപിച്ചു. വെള്ളിയാഴ്ച രാവിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
പടിഞ്ഞാറൻ പസഫിക് സമുദ്രത്തിലെ വിഫ ചുഴലിക്കാറ്റ് ദുർബലമായി വടക്കൻ ബംഗാൾ ഉൾക്കടലിൽ പ്രവേശിച്ചശേഷം ന്യൂനമർദ്ദമായി വീണ്ടും ശക്തി പ്രാപിച്ചു. ഈ ന്യൂനമർദ്ദം ശക്തി കൂടിയ ന്യുനമർദ്ദമായി മാറാൻ സാധ്യതയുണ്ടെന്നാണ് അറിയിപ്പ്. പശ്ചിമ ബംഗാൾ – ഒഡിഷ തീരത്തേക്ക് ന്യൂനമർദ്ദം നീങ്ങാനാണ് സാധ്യത. മഹാരാഷ്ട്ര തീരം തൊട്ട് കേരള തീരം വരെ ന്യുനമർദ്ദപാത്തിയും സ്ഥിതി ചെയ്യുന്നുണ്ട്. കേരളത്തിൽ വരുന്നദിവസങ്ങളിലെല്ലാം മഴയ്ക്ക് സാധ്യതയുണ്ടെന്നാണ് അറിയിപ്പ്.
ഓറഞ്ച് അലേർട്ട്
25 – 07 – 2025: കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം.
26 – 07 – 2025: കോട്ടയം, ഇടുക്കി, എറണാകുളം, തൃശൂർ, പാലക്കാട്
യെല്ലോ അലേർട്ട്
25 – 07 – 2025: തിരുവനന്തപുരം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
26 – 07 – 2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
27 – 07 – 2025: ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
28 – 07 – 2025: കോഴിക്കോട്, വയനാട്, കണ്ണൂർ, കാസർകോട്
