എസ് എസ് എഫ് എടപ്പാൾ ഡിവിഷൻ സാഹിത്യോത്സവ് :നന്നംമുക്കിന് കലാ കിരീടം

ചങ്ങരംകുളം :സംസ്ഥാനപാതയോരത്ത് രണ്ടു ദിവസങ്ങളിലായി നടന്ന എസ് എസ് എഫ് എടപ്പാൾ ഡിവിഷൻ സാഹിത്യോത്സവ് സമാപിച്ചു.സമാപന സമ്മേളനം
കേരള മുസ്‌ലിം ജമാഅത്ത് എടപ്പാൾ സോൺ പ്രസിഡണ്ട് സയ്യിദ് എസ് ഐ കെ തങ്ങൾ ഉദ്ഘാടനം ചെയ്തു.സമസ്ത ജില്ലാ മുശാവറ അംഗം എം ഹൈദർ മുസ്‌ലിയാർ പ്രാർത്ഥന നിർവഹിച്ചു.സ്വാഗതസംഘം ചെയർമാൻ അബ്ദുസ്സലാം സഅദി അധ്യക്ഷത വഹിച്ചു. വാരിയത്ത് മുഹമ്മദലി,ശിഹാബുദ്ധീൻ സഖാഫി,മുഹമ്മദ് നജീബ് അഹ്സനി,ത്വാഹിർ ഇസ്മാഈൽ,അബ്ദുൽ ഹയ്യ് അഹ്സനി,ഉവൈസ് തണ്ടിലം ,റഫീക്ക് ഇർഫാനി പ്രസംഗിച്ചു.അനസ് കാഞ്ഞിയൂർ സ്വാഗതവും റഫീഖ് പെരുമുക്ക് നന്ദിയും പറഞ്ഞു. ഡിവിഷൻ പരിധിയിലെ ആറു സെക്ടറുകളിൽ നിന്ന് 500 ൽ അധികം മത്സരാർത്ഥികൾ 125 ഇനങ്ങളിൽ മാറ്റുരച്ച സാഹിത്യോത്സവിൽ കാഞ്ഞിയൂർ സെക്ടർ ഒന്നാം സ്ഥാനവും എടപ്പാൾ,കാലടി സെക്ടറുകൾ രണ്ടും മൂന്നും സ്ഥാനങ്ങളും കരസ്ഥമാക്കി.തവനൂർ സെക്ടറിലെ വി പി സിനാൻ കലാപ്രതിഭയും വി പി ഫഹദ് സർഗ്ഗപ്രതിഭയുമായി തെരഞ്ഞെടുക്കപ്പെട്ടു.