സംസ്ഥാന സ്കൂൾ കായിക മേള; മലപ്പുറവും പാലക്കാടും ഇഞ്ചോടിഞ്ച് പോരാട്ടം

സംസ്ഥാന സ്കൂൾ കായിക മേള അത്ലെറ്റിക്സിൽ മലപ്പുറവും പാലക്കാടും തമ്മിൽ ഇഞ്ചോടിഞ്ച് പോരാട്ടം. അഞ്ച് സ്വർണം നേടി പോയിന്റ് പട്ടികയിൽ മലപ്പുറം മുന്നിട്ട് നിക്കുന്നു. നാല് സ്വർണവുമായി പാലക്കാട് തൊട്ട് പിന്നാലെയുണ്ട്. സ്കൂളുകളിൽ 19 പോയിന്റ് നേടി കോതമംഗലം മാർ ബേസിൽ ഹയർസെക്കൻഡറി സ്കൂൾ കുതിപ്പ് തുടരുന്നു. ഇതോടെ ഇന്ന് നടക്കുന്ന ഗ്ലാമർ ഇനമായ 100 മീറ്റർ ഓട്ട മത്സരങ്ങളിൽ ആവേശം അതിരുകടക്കും. ജൂനിയർ വിഭാഗം ആൺ കുട്ടികളുടെ അഞ്ച് കിലോമീറ്റർ നടത്ത മത്സരത്തിൽ കോഴിക്കോടിന്റെ ആദിത്ത് വി അനിൽ സ്വർണം നേടി. ജൂനിയർ പെൺകുട്ടികളുടെ മൂന്ന് കിലോമീറ്റർ നടത്തത്തിൽ മലപ്പുറത്തിന്റെ പി നിരഞ്ജന സ്വർണം നേടി