ആലംകോട് ഗ്രാമപഞ്ചായത്ത് ഒരുക്കുന്ന ചങ്ങരംകുളം ഫെസ്റ്റിന് 26ന് തുടക്കം

ചങ്ങരംകുളം:ആലംകോട് ഗ്രാമപഞ്ചായത്ത് ഒരുക്കുന്ന ചങ്ങരംകുളം ഫെസ്റ്റിന് ജൂണ്‍ 26ന് തുടക്കമാവും.ചങ്ങരംകുളം ഹൈവേ ജംഗ്ഷനിലെ കെവിഎം അടക്കാമാര്‍ക്കറ്റിലെ പ്രത്യേകം സജീകരിച്ച വേദികളില്‍ 26,27,28,29 തീയ്യതികളിലായി വിവിധ പരിപാടികള്‍ അരങ്ങേറും.26ന് വൈകിയിട്ട് സോഷ്യൽ മീഡിയകളിലൂടെ ഇശലിൻ്റെ താളം പുതു തലമുറയിലേക്ക് പകർന്നു നൽകി ലക്ഷകണക്കിന് ആരാധകരെ സമ്പാദിച്ച യുവ ഗായിക അസിൻ വെള്ളില അവതരിപ്പിക്കുന്ന സംഗീതരാവ് അരങ്ങേറും.28ന് പുതിയ പഞ്ചായത്ത് കെട്ടിടം മന്ത്രി വി അബ്ദുറഹിമാന്‍ ഉദ്ഘാടനം ചെയ്യും.പിപി സുനീര്‍ എംപി,അബ്ദുസമദ് സമദാനി എംപി,പി നന്ദകുമാര്‍ എംഎല്‍എ,ആലംകോട് ലീലാകൃഷ്ണന്‍ തുടങ്ങി രാഷ്ട്രീയ സാംസ്കാരിക സാമൂഹിക രംഗത്തെ പ്രമുഖര്‍ പങ്കെടുക്കും.തുടര്‍ന്ന് വൈകിയിട്ട് റാപ്പ് ഗായകന്‍ ഡബ്സി നയിക്കുന്ന സംഗീതനിശയും,സോഷ്യല്‍ മീഡിയയിലൂടെ ജനലക്ഷങ്ങള്‍ ഏറ്റെടുത്ത ഡബ്ബ ബാന്റ്സംഘത്തിന്റെ മ്യൂസിക്കല്‍ രാവും അരങ്ങേറും.വിവിധ കലാപരിപാടികളും,വിവിധ മേഖലയില്‍ കഴിവ് തെളിയിച്ചവരെയും,വിവിധ പരീക്ഷകളില്‍ വിജയിച്ചവരെയും മറ്റു പ്രമുഖ വ്യക്തിത്വങ്ങളെയും വീവിധ സെക്ഷനിയായി ആദരിക്കും