അവാർഡ് വിതരണവും കരിയർ ഗൈഡൻസ് ക്ലാസും സംഘടിപ്പിച്ചു

ചങ്ങരംകുളം:പള്ളിക്കരയിലെ പ്രവാസികളുടെ കൂട്ടായ്മയായ പ്രവാസദളം’പള്ളിക്കര തെക്ക് മുറി എസ്എസ്എൽസി പ്ലസ് ടു പാസായ കുട്ടികൾക്കുള്ള അവാർഡ് വിതരണവും ദിശാബോധം നൽകുന്നതിന് വേണ്ടി കരിയർ ഗൈഡൻസ് ക്ലാസും സംഘടിപ്പിച്ചു.പ്രവാസദളം വൈസ് പ്രസിഡണ്ട് ബഷീർ അമയിൽന്റെ അധ്യക്ഷതയിൽ പ്രവാസദളം എക്സിക്യൂട്ടീവ് മെമ്പർ റഹ്മാൻ കെ വി സ്വാഗതം പറഞ്ഞു.യോഗം
പള്ളിക്കര മഹല്ല് ഖത്തീബ് അബ്ദുൽജലീൽ അഹ്സനി ഉദ്ഘാടനം ചെയ്തു.പഠനവിഷയങ്ങളിൽ എ പ്ലസ് വാങ്ങുന്നത് പോലെ തന്നെ നമ്മുടെ വ്യക്തിജീവിതത്തിലും എല്ലാ മേഖലയിലും എ പ്ലസ് വാങ്ങുവാൻ നമ്മൾ മുന്നോട്ടു വരണമെന്ന് തന്റെ ഉദ്ഘാടന പ്രസംഗത്തിൽ അദ്ദേഹം വിദ്യാർത്ഥികളെ ഉത്ബോധിപ്പിച്ചു.എഴുത്തുകാരനും സാംസ്കാരിക പ്രവർത്തകനുമായ ഡോക്ടർ മോഹന കൃഷ്ണൻ മുഖ്യ അതിഥിയായി.തന്റെ വിദ്യാഭ്യാസകാലത്ത് മൂക്കുതല ഹൈസ്കൂളിൽ നിന്ന് ഒരു ഫസ്റ്റ് ക്ലാസും രണ്ട് സെക്കൻഡ് ക്ലാസ്സ് മാത്രമാണ് ഉണ്ടായിരുന്നത് എന്നും ഇന്നത്തെ ബൗദ്ധിക സാഹചര്യം മെച്ചപ്പെട്ടതിന്റെ അടിസ്ഥാനത്തിൽ വിദ്യാഭ്യാസവും മെച്ചപ്പെട്ട രീതിയിൽ തന്നെയാണ് പോകുന്നത് എന്ന് അദ്ദേഹം സ്മരിച്ചു.കെ വി അബ്ദുൽ ഹമീദ് പ്രസിഡണ്ടും,കെഎം യാഹുദ്ദീൻ സെക്രട്ടറിയും കെകെ റംഷാദ് ഖജാൻജിയുമായ 11 അംഗ കമ്മിറ്റിയാണ് പ്രവാസദളത്തിന് നേതൃത്വം നൽകുന്നത്.മഹല്ല് പ്രസിഡണ്ട് എന്‍കെ മുഹമ്മദ് ഹാജി
ഖജാൻജി മുഹമ്മദ് ഫാറൂഖി,വാർഡ് മെമ്പർ സാദിക്ക് നെച്ചിക്കൽ,മുൻ ബ്ലോക്ക് പഞ്ചായത്ത് മെമ്പർ അബ്ദുട്ടി ഇവി,ഒഎസ്എഫ് പ്രസിഡണ്ട് ഷൗക്കത്തലി കെ എം
തുടങ്ങിയവർ ആശംസകൾ അർപ്പിച്ചു സംസാരിച്ചു.കരിയർ ഗൈഡൻസ് ക്ലാസിന് ടി മുജീബ് റഹ്മാൻ നേതൃത്വം നൽകി.അൻവർ,കെവി,അക്ബർ കെകെ,റാഫി സിപി തുടങ്ങിയവർ പരിപാടിക്ക് നേതൃത്വം നൽകി.പ്രവാസദളം മെമ്പർ മുർഷിദ് കെ വി സദസ്സിന് നന്ദി പ്രകാശിപ്പിച്ചു