വായനയുടെ പുതിയ വാതായനങ്ങൾ തേടി’പെരുമുക്ക് സ്കൂളിലെ വിദ്യാർത്ഥികൾ പന്താവൂർ നളന്ദ വായനശാല സന്ദർശിച്ചു

ചങ്ങരംകുളം:വായന മാസാചരണത്തോടനുബന്ധിച്ച് പെരുമുക്ക് എ എം എൽ പി സ്കൂളിലെ വിദ്യാർത്ഥികളും അധ്യാപകരും പന്താവൂർ നളന്ദ വായനശാല സന്ദർശിച്ചു. ‘ജീവിത വിജയത്തിൽ വായ നയുടെ പങ്ക് ‘എന്ന വിഷയത്തെ ആസ്പദമാക്കി ലൈബ്രേറിയൻ രജിത പ്രകാശ് കുട്ടികളുമായി സംവദിച്ചു.വായനശാലയിലെ പുസ്തകങ്ങളെ കുറിച്ചും പ്രവർത്തനത്തെക്കുറിച്ചുള്ള അറിവ് ലീന ടീച്ചർ കുട്ടികളുമായി പങ്കുവെച്ചു. ഈ വായനശാല സന്ദർശനം കുട്ടികളുടെ ജീവിതത്തിൽ വലിയൊരു വഴിത്തിരിവാകട്ടെ എന്ന് സെക്രട്ടറി അനൂപ് ആശംസിച്ചു.സന്ദർശനം നടത്തിയ കുട്ടികളെ എക്സിക്യൂട്ടീവ് കമ്മിറ്റി മെമ്പർ ശ്രീ നിവാസൻ മധുരവും സ്നേഹോപഹാരവും നൽകി സ്വീകരിച്ചു.