എടപ്പാളിൽ പാര്‍ക്കിങ്ങിനെ ചൊല്ലി തര്‍ക്കം’കാര്‍ യാത്രികനെ ഓട്ടോ ഡ്രൈവർ കരിങ്കല്ല് കൊണ്ട് തലക്കടിച്ച് പരിക്കേൽപ്പിച്ചു

എടപ്പാൾ :കാര്‍ യാത്രികനെ ഓട്ടോ ഡ്രൈവർ കരിങ്കല്ല് കൊണ്ട് തലക്കടിച്ച് പരിക്കേൽപ്പിച്ചു.വട്ടംകുളം സ്വദേശി ഷറഫുദീനാണ് ആക്രമിക്കപ്പെട്ടത്.ചൊവ്വാഴ്ച രാത്രി 8 മണിയോടെ എടപ്പാൾ ജംങ്ഷനിലെ പട്ടാമ്പി റോഡിൽ എംഎസ് മൊബൈൽസിന്റെ മുന്നിൽ വെച്ചാണ് സംഭവം.ഷറഫുദീൻ കാര്‍ പാര്‍ക്ക് ചെയ്യാന്‍ ശ്രമിക്കുന്നതിനിടെ പ്രകോപിതനായി എത്തിയ ഓട്ടോ ഡ്രൈവര്‍ അക്രമം നടത്തുകയായിരുന്നുവെന്നാണ് വിവരം.തലക്ക് ഗുരുതരമായി പരിക്കേറ്റ ഷറഫുദീനെ എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ചു.സംഭവത്തില്‍ ചങ്ങരംകുളം പോലീസ് അന്വേഷണം ആരംഭിച്ചിട്ടുണ്ട്