കേച്ചേരി പാറന്നൂരിൽ സ്വകാര്യ ബസ് ബൈക്കിൽ ഇടിച്ച് ഗൃഹനാഥന്‍ മരിച്ചു

കുന്നംകുളം:കേച്ചേരി പാറന്നൂരിൽ സ്വകാര്യ ബസ് ബൈക്കിൽ ഇടിച്ച് ഗൃഹനാഥന്‍ മരിച്ചു.ബൈക്ക് യാത്രികനായ ചൂണ്ടൽ മേലേക്കാവ് സ്വദേശി പൊന്നരാശരി വീട്ടിൽ കുമാരന്റെ മകൻ 55 വയസ്സുള്ള മനോജ് ആണ് മരിച്ചത്.ചൊവ്വാഴ്ച ഉച്ചയ്ക്ക് 1 മണിയോടെയാണ് അപകടം. തൃശ്ശൂരിൽ നിന്ന് കുറ്റിപ്പുറത്തേക്ക് പോകയായിരുന്ന ധീരജ് ബസ്സാണ് അപകടത്തിൽപ്പെട്ടത്.ബൈക്ക് യാത്രികൻ പെട്രോൾ പമ്പിലേക്ക് തിരിയുന്നതിനിടെ പിറകിൽ വന്ന ബസ് ഇടിക്കുകയായിരുന്നു.ഇടിയുടെ ആഘാതത്തിൽ റോഡിലേക്ക് തെറിച്ചു വീണ ബൈക്ക് യാത്രികന്റെ തലയ്ക്ക് ഗുരുതരമായി പരിക്കേറ്റു. പരിക്കേറ്റ ബൈക്ക് യാത്രികനെ കേച്ചേരി ആക്സ് ആംബുലൻസ് പ്രവർത്തകർ
തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചുവെങ്കിലും വൈകിട്ട് നാലരയോടെ മരണം സംഭവിച്ചു.കുന്നംകുളം പോലീസ് സ്ഥലത്തെത്തി തുടർന്ന് നടപടികൾ സ്വീകരിച്ചു