പരിസ്ഥിതി ദിനം അസ്സബാഹ് എൻ.എസ്.എസ്. യൂണിറ്റിന്റെ നേതൃത്വത്തിൽ വിപുലമായി ആചരിച്ചു

ചങ്ങരംകുളം:വളയംകുളം അസ്സബാഹ് ആർട്സ് ആൻഡ് സയൻസ് കോളേജിലെ എൻ.എസ്.എസ്. 240 യൂണിറ്റിന്റെ നേതൃത്വത്തിൽ പരിസ്ഥിതി ദിനം വിപുലമായി ആഘോഷിച്ചു.പരിപാടിയുടെ ഭാഗമായി വിവിധ പരിസ്ഥിതി സംരക്ഷണ പ്രവർത്തനങ്ങൾ കോളജിലും പരിസര പ്രദേശങ്ങളിലും നടന്നു.പരിസ്ഥിതിദിന പ്രതിജ്ഞാ ചടങ്ങിന് ഇംഗ്ലീഷ് വിഭാഗം മേധാവിയായ ഡോ. ഹരികൃഷ്ണൻ കെ നേതൃത്വം നൽകി. ചടങ്ങിൽ പ്രകൃതിയെ സംരക്ഷിക്കാനുള്ള ഉത്തരവാദിത്വം അനുസ്മരിപ്പിക്കുന്ന പ്രസംഗം അദ്ദേഹം നടത്തി.ശേഷം, കഴിഞ്ഞ വർഷങ്ങളിൽ പാതയോരങ്ങളിൽ നടീൽ നടത്തിയ വൃക്ഷതൈകൾ പരിപാലിക്കുകയും പുതിയ തൈകൾ നട്ടു സ്ഥാപിക്കുകയും ചെയ്തു.പിന്നീട്, “പ്ലാസ്റ്റിക് മുക്തം! പ്രകൃതിയോടൊപ്പം മുന്നേറാം” എന്ന സന്ദേശവുമായി ലഘുലേഖകളുടെ വിതരണം വളയംകുളം സെന്ററിലും കോളജിന് സമീപമുള്ള വീടുകളിലും സംഘടിപ്പിച്ചു.പ്ലാസ്റ്റിക് മാലിന്യത്തിന്റെ ദൂഷ്യഫലങ്ങൾ ജനങ്ങളിലേക്ക് എത്തിക്കുന്നതിനും പരിസ്ഥിതിയെ സംരക്ഷിക്കാനുള്ള ചിന്ത വളർത്തുന്നതിനും ലഘുലേഖ വിതരണം സഹായകരമായി.പരിപാടികൾക്ക് ഗ്രാമവാസികളും അധ്യാപകരും അഭിനന്ദനങ്ങൾ അർപ്പിച്ചു.എൻ.എസ്.എസ് പ്രോഗ്രാം ഓഫിസർ അബ്ദുൽ റഹ്‌മാൻ. പി, അധ്യാപകരായ അൻഷാദ്.കെ.ട്ടി,ഷഹീം ഓ.എച്ച് എന്നിവർ വിവിധപരിപാടികൾക്ക് നേതൃത്വം നൽകി.ഇത്തരം പ്രവർത്തനങ്ങൾ വിദ്യാർത്ഥികളിൽ പരിസ്ഥിതി ബോധവും സാമൂഹിക ഉത്തരവാദിത്വവും വളർത്തുന്നുമെന്ന് നാട്ടുകാർ അഭിപ്രായപെട്ടു.