മാനന്തവാടിയില്‍ കാണാതായ കുട്ടിയെയും അമ്മയെ വെട്ടിക്കൊന്ന പ്രതി ദിലീഷിനെയും കണ്ടെത്തി

വയനാട് തിരുനെല്ലിയിൽ ആൺസുഹൃത്തിന്റെ വെട്ടേറ്റ് മരിച്ച പ്രവീണയുടെ ഇളയ മകൾ അബിനയെയും കൊലയാളി ദിലീഷിനെയും കണ്ടെത്തി. വീടിന് സമീപമുള്ള വനമേഖലയിലെ തോട്ടത്തിൽ നിന്നാണ് ഇവരെ കണ്ടെത്തിയത്. പ്രവീണയെ കൊലപ്പെടുത്തിയ ദിലീഷിന്റെ ആക്രമണത്തിൽ പ്രവീണയുടെ മൂത്ത മകൾക്ക് ഗുരുതരമായി പരുക്കേറ്റിരുന്നു. ഇന്നലെ രാത്രിയാണ് വാകേരിയിലെ വാടക വീട്ടിൽ വച്ച് 34കാരിയായ പ്രവീണ കൊല്ലപ്പെട്ടത്. ഇതിന് പിന്നാലെയാണ് ഇളയ മകളായ ഒൻപതു വയസുകാരി അബിനയെ കാണാതായത്. മൂത്തമകളായ 14വയസുകാരി അനർഘ കഴുത്തിനും ചെവിയ്ക്കും വെട്ടേറ്റ് ചികിത്സയിലാണ്. ഭർത്താവുമായി അകന്ന് കഴിഞ്ഞിരുന്ന പ്രവീണ മക്കളോടൊപ്പം വാടക വീട്ടിലായിരുന്നു താമസം.