സംഗമം പലിശ രഹിത അയൽകൂട്ടങ്ങ ളിലൂടെ നടപ്പാക്കുന്ന തണൽ പുരയിട കൃഷിയുടെ വിളവെടുപ്പ് നടത്തി

മാറഞ്ചേരി: തണൽ വെൽഫയർ സൊസൈറ്റിയുടെ കീഴിൽ പ്രവർത്തിക്കുന്ന സംഗമം പലിശ രഹിത അയൽകൂട്ടങ്ങ ളിലൂടെ നടപ്പാക്കുന്ന തണൽ പുരയിട കൃഷിയുടെ വിളവെടുപ്പ് നടത്തി.അയൽകൂട്ടം 9 ലെ റജീന നാസർ വീട്ട് വളപ്പിൽ നടത്തിയ കൃഷിയുടെ വിളവെടുപ്പാണ് നടന്നത്. തണൽ പ്രസിഡൻ്റ് എ.അബ്ദുൾ ലത്തീഫ് വിളവെടുപ്പ് ഉദ്ഘാടനം ചെയ്തു.റജീനാ നാസർ,മൈമൂന,നൗഷജ ഷംസു ,നൗഷജ ഷറഫു , ഷിഫനാസർ എന്നിവർ സംബന്ധിച്ചു.തണൽ പുരയിട കൃഷിയിൽ അഞ്ഞൂറോളം കുടുംബങ്ങൾ പങ്കാളികളാണ്.സൗജന്യമായ വിത്ത് വിതരണം നടത്തി അംഗങ്ങളെ ജൈവ പച്ചക്കറി കൃഷിക്ക് പ്രാപ്തരാക്കുകയാണ് തണൽ പുരയിട കൃഷി നടത്തിവരുന്നത്.കഴിഞ്ഞ 8 വർഷമായി തണൽ പുരയിടകൃഷി വളരെ വ്യവസ്ഥാപിതമായി നടന്നുവരുന്നു.