ബൈക്ക് മറിഞ്ഞ് റോഡില്‍ വീണ് ‘ പുറകില്‍ വന്ന പിക്കപ്പ് വാനിടിച്ചു’ഗുരുതരമായി പരിക്കേറ്റ യുവതി മരിച്ചു

മാറഞ്ചേരി: പനമ്പാട് ഉണ്ടായ വാഹനാപകടത്തിൽ പരിക്കേറ്റ യുവതി മരിച്ചു.അവുണ്ടിത്തറ ചോഴിയാട്ടേൽ സാഹിറിൻ്റെ ഭാര്യ പുലിയപ്പുറത്ത് ഹാരിഫ (36) ആണ് മരിച്ചത്‌.ബുധനാഴ്ച വൈകിയിട്ട് അഞ്ച് മണിയോടെ ഭർത്താവിൻ്റെ കൂടെ ബൈക്കിൽ വരുമ്പോൾ ബൈക്ക് മറിഞ്ഞ് റോഡിൽ വീണ ഹാരിഫയുടെ മേൽ പിന്നിൽ വന്ന ബൊലോറ പിക്കപ്പ് വാൻ ഇടിക്കുകയായിരുന്നു.തലക്ക് ഗുരുതരമായി പരിക്കേറ്റ ഹാരിഫയെ കോട്ടക്കൽ അൽമാസ് ആശുപത്രിയിൽ എത്തിച്ചെങ്കിലും രാത്രിയോടെ മരണപ്പെടുകയായിരുന്നു. പ്ലസ്ടുവിന് മാറഞ്ചേരി ഗവ. ഹൈസ്കൂളിൽ പഠിക്കുന്ന ഷിഫാൻ,ഏഴാം ക്ലാസ്സ് വിദ്യാർത്ഥി നസൽ എന്നിവർ മക്കളാണ്.മാതാവ്: അസ്മാബി.സഹോദരൻ: ഹാരിസ്.
തണലിൻ്റെ കീഴിലുള്ള സംഗമം പലിശ രഹിത അയൽക്കൂട്ടം മെമ്പറാണ് ഹാരിഫ.ഖബറടക്കം പോസ്റ്റ് മാർട്ടത്തിന് ശേഷം കോടഞ്ചേരി ഖമ്പറിസ്ഥാനിൽ നടക്കും