വീണ്ടും റെക്കോഡ് കുതിപ്പ്: സ്വര്‍ണ വില പവന് 59,000 രൂപയായി

റെക്കോഡ് ഉയരം കുറിച്ച്‌ സ്വർണ വില. ഇതാദ്യമായി പവന്റെ വില 59,000 രൂപയിലെത്തി. 480 രൂപയാണ് ചൊവാഴ്ച കൂടിയത്.ഒരുഗ്രാം സ്വർണത്തിന്റെ വിലയാകട്ടെ 7,375 രൂപയുമായി. അന്താരാഷ്ട്ര വിപണിയായ എംസിഎക്സില്‍ പത്ത് ഗ്രാം 24 കാരറ്റ് സ്വർണത്തിന്റെ വില 78,800 രൂപയാണ്. ഡോളറിന്റെ മൂല്യ വർധനവാണ് ഇപ്പോഴത്തെ വില വർധനവിന്റെ പ്രധാന കാരണം. ദീപാവലി അടുത്തതോടെ സ്വർണത്തിന് ഡിമാന്റ് കൂടാനാണ് സാധ്യത. ആഭ്യന്തര വിപണിയില്‍ വരുംദിവസങ്ങളില്‍ അതിന്റെ പ്രതിഫലനം ഉണ്ടാകും.