ഉദിനുപറമ്പിൽ മദ്യമയക്കുമരുന്ന് മാഫിയയെ പ്രതിരോധിക്കാൻമദ്യലഹരി വിരുദ്ധ പൗരസമിതിക്ക്‌ രൂപം നൽകി.

ചങ്ങരംകുളം:ഉദിനുപറമ്പിൽ മദ്യമയക്കുമരുന്ന് മാഫിയയെ പ്രതിരോധിക്കാൻ
മദ്യലഹരി വിരുദ്ധ പൗരസമിതിക്ക്‌ രൂപം നൽകി.ഉദിനുപറമ്പ്, ഞാറക്കുന്ന്,കൊഴിക്കര ‌ പ്രദേശവാസികൾ ഗ്രാമപഞ്ചായത്ത്‌ മെമ്പർമാരുടെ നേതൃത്വത്തിൽ ഉദിനു പറമ്പ്‌ മദ്രസ്സയിൽ ചേർന്ന പ്രതിഷേധ പൊതുയോഗത്തിൽ വെച്ചാണ്‌
കെ അബ്ദു ചെയർമാനും, സുധി എം കെ വൈസ്‌ ചെയർമാനും, എം കെ ഹംസ ജന കൺവീനറും,സൂരജ്‌ മാസ്റ്റർ ജോ കൺവീനറും ഷറഫുദ്ദീൻ പി വി ട്രഷററുമയ സമിതിക്ക്‌ രൂപം നൽകിയത്‌.രാംദാസ്‌ മാസ്റ്റർ, പി ശശി,ശിവൻ കൊഴിക്കര, മൊയ്തു കൊളാടിക്കൽ എന്നിവർ രക്ഷാധികാരികളാണ്.പൊതുപ്രവർത്തകനും മദ്യലഹരി വിരുദ്ധ പ്രവർത്തകനുമായ ആലംകോട്‌ സുബൈറിനെയും ചില നാട്ടുകാരെയും കഴിഞ്ഞ ദിവസം മയക്കുമരുന്ന് മാഫിയകൾ ആക്രമിച്ച്‌ പരിക്കേൽപ്പിച്ചതിനെതിരെ പ്രദേശവസികൾ സ്ത്രീകളും കുട്ടികളും ഉൾപ്പടെ വൻപ്രതിഷേധ റാലി നടത്തിയിരുന്നു.കുറ്റക്കാർക്ക് പരമാവധി ശിക്ഷ ഉറപ്പാക്കാനും മേഖലയിൽ മദ്യമയക്ക്‌ മരുന്ന് മാഫിയകളെ അടിച്ചമർത്താനും അവരുടെ വിളയാട്ടം അവസാനിപ്പിക്കാനും പോലീസ് ശക്തമായി ഇടപെടണമെന്ന് നാട്ടുകാർ ആവശ്യപ്പെട്ടു.പൊതുയോഗം മുജീബ്‌ കോക്കൂര്‍ ഉദ്ഘാടനം ചെയ്തു. വാർഡ്‌ മെംബർ പി ശശി അധ്യക്ഷത വഹിച്ചു.രാംദാസ്‌ മാസ്റ്റർ, ശിവൻ കൊഴിക്കര, കെ അനസ്‌ ചങ്ങരംകുളം, സൂരജ്‌ മാസ്റ്റർ, കെ അബ്ദു, ഹംസ എം കെ പ്രസംഗിച്ചു.