റോഡ് മുറിച്ചുകടക്കവേ സൗദിയിൽ വാഹനമിടിച്ച് പട്ടാമ്പി സ്വദേശിക്ക് ദാരുണാന്ത്യം

റിയാദ്: സൗദ്യ അറേബ്യയിൽ പാലക്കാട് സ്വദേശി വാഹനാപകടത്തിൽ മരിച്ചു. മക്കയിലെ ഷൗക്കിയയിലെ കടയിൽ ജോലി ചെയ്തുവരികയായിരുന്ന പട്ടാമ്പി സ്വ​ദേശി നാടപ്പറമ്പ് ശാഹുൽ ഹമീദ് (46) ആണ് മരിച്ചത്. രാത്രി ജോലി കഴിഞ്ഞ് റോഡ് മുറിച്ചുകടക്കുന്നതിനിടെ ശാഹുലിനെ വാഹനം ഇടിച്ചുതെറിപ്പിക്കുകയായിരുന്നു. യുവാവ് തൽക്ഷണം മരിച്ചു.സ്വകാര്യ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ് മൃതദേഹം. നടപടികൾക്ക് ശേഷം മൃതദേഹം മക്കയിൽ ഖബറടക്കാനാണ് തീരുമാനം. ഭാര്യ: വാഹിദ, മക്കൾ അബ്ദുൾ ബാസിത്ത്, ഫെമിത, ഫർസാന, മിസ്ബാ​ഹ്