ന്യൂഡല്ഹി: ആന എഴുന്നള്ളിപ്പിലെ ഹൈക്കോടതി മാര്ഗ്ഗനിര്ദ്ദേശങ്ങള്ക്കുള്ള സ്റ്റേ നീക്കാതെ സുപ്രീംകോടതി. മാര്ഗ്ഗനിര്ദ്ദേശങ്ങള്ക്കുള്ള സ്റ്റേ നീക്കണമെന്ന ആവശ്യം സുപ്രീം കോടതി തള്ളി. കേസില് അടിയന്തിരമായി വാദം കേള്ക്കാനാവില്ലെന്ന് സുപ്രീം കോടതി
വ്യക്തമാക്കി. ശിവരാത്രി ഉള്പ്പടെയുള്ള ഉത്സവങ്ങള് തടയാനുള്ള നീക്കമാണിതെന്ന് തിരുവമ്പാടി, പാറമേക്കാവ് ദേവസ്വം വാദിച്ചു.
ഹൈക്കോടതി വിധിക്കെതിരെ തിരുവമ്പാടി, പാറമേക്കാവ് ദേവസ്വങ്ങളാണ് സുപ്രീം കോടതിയെ സമീപിച്ചിരുന്നത്.
ചട്ടങ്ങള് പാലിച്ച് ആന എഴുന്നള്ളിപ്പ് നടത്താമെന്ന് സുപ്രീം കോടതി ആവര്ത്തിച്ചു. ആന എഴുന്നള്ളിപ്പുമായി ബന്ധപ്പെട്ട് ഹൈക്കോടതി ഏര്പ്പെടുത്തിയ നിയന്ത്രണങ്ങള് 2024 ഡിസംബറിലാണ് സുപ്രീം കോടതി സ്റ്റേ ചെയ്തത്.
ആനകളെ എഴുന്നള്ളിക്കുമ്പോള് അവ തമ്മില് മൂന്ന് മീറ്റര് അകലം പാലിക്കണം, തീവെട്ടികളില് നിന്നും അഞ്ച് മീറ്റര് ദൂരപരിധി വേണം, ആനകളില് നിന്നും എട്ട് മീറ്റര് അകലെ മാത്രമേ ജനങ്ങളെ നിര്ത്താന് പാടുള്ളൂ തുടങ്ങിയ നിര്ദേശങ്ങളാണ് ഹൈക്കോടതി നല്കിയത്. ഇതാണ് സുപ്രീം കോടതി സ്റ്റേ ചെയ്തത്.
