ചങ്ങരംകുളം എറവറാംകുന്ന് കിണറ്റില്‍ വീണ കാട്ട്പന്നിയെ കരക്ക് കയറ്റി

ചങ്ങരംകുളം:എറവറാംകുന്ന് കിണറ്റില്‍ വീണ കാട്ട്പന്നിയെ കരക്ക് കയറ്റി.എറവറാംകുന്ന്
കുമ്പിലവളപ്പിൽ ഫാദിഹ് ൻ്റെ വീട്ടിലെ കിണറ്റിലാണ് ഞായറാഴ്ച ഉച്ചയോടെ പന്നിയെ കിണറ്റില്‍ വീണ നിലയില്‍ കണ്ടെത്തിയത്‌.കിണറ്റില്‍ നിന്ന് അസാധാരണ ശബ്ദം കേട്ട് വീട്ടുകാര്‍ നോക്കിയപ്പോഴാണ് സംഭവം ശ്രദ്ധയില്‍ പെട്ടത്.തുടര്‍ന്ന് വാര്‍ഡ് മെമ്പര്‍ ഷെരീഫിന്റെ നേതൃത്വത്തില്‍ നാട്ടുകാര്‍ ചേര്‍ന്ന് പന്നിയെ കരക്ക് കയറ്റാന്‍ ശ്രമം നടത്തിയെങ്കിലും പന്നിയെ കയറ്റാന്‍ കഴിഞ്ഞില്ല.തുടര്‍ന്ന് പട്ടാമ്പിയില്‍ നിന്ന് വനപാലകര്‍ എത്തിയാണ് പന്നിയെ കരക്ക് കയറ്റിയത്.പ്രദേശത്ത് കാട്ടുപന്നികളുടെ ശല്ല്യം വര്‍ദ്ധിക്കുന്നതായി നാട്ടുകാര്‍ പറഞ്ഞു.കഴിഞ്ഞദിവസം കിഴിക്കര എറവറാംകുന്ന് പ്രദേശത്ത് വിളവെടുപ്പിന് പാകമായ നെല്‍കൃഷി കാട്ടുപന്നികള്‍ നശിപ്പിച്ചിരുന്നു.ആലംകോട് പഞ്ചായത്തിലെ വിവിധ സ്ഥലങ്ങളില്‍ ഇത്തരത്തില്‍ നെല്‍കൃഷികളും മറ്റു കാര്‍ഷിക വിളകളും കാട്ടുപന്നികള്‍ വ്യാപകമായി നശിപ്പിച്ചിക്കുന്നുണ്ട്.