കവുക്കോട് ശ്രീi മഹാദേവ ക്ഷേത്രത്തിൽ വിജയദശമി ആഘോഷിച്ചു

ചാലിശ്ശേരി:ശിവ ഭൂതഗണമായ ഖരനാൽ പ്രതിഷ്ഠിക്കപ്പെട്ടതെന്ന് വിശ്വസിക്കപ്പെടുന്നതും,1800ൽ പരം വർഷം പഴക്കം കൽപ്പിക്കപ്പെടുന്നതുമായ ചാലിശ്ശേരി കവുക്കോട് ശ്രീ മഹാദേവ ക്ഷേത്രത്തിൽ വിജയദശമി ആഘോഷവും വിദ്യാരംഭ ചടങ്ങുകളും നടന്നു.ക്ഷേത്രത്തിൽ രാവിലെ ഗണപതിഹോമവും,വിശേഷാൽ പൂജകളും തുടർന്ന് വിദ്യാരംഭ ചടങ്ങുകളും,വാഹന പൂജയും നടന്നു.സരസ്വതീ മണ്ഡപത്തിൽ ഞായറാഴ്ച വൈകുന്നേരം പൂജയ്ക്ക് വെച്ചിരുന്ന പുസ്തകങ്ങൾ ബ്രഹ്മശ്രീ പാലക്കാട്ടിരി മന ജയൻ നമ്പൂതിരി മുഖ്യകാർമികത്വം വഹിച്ച സരസ്വതീ പൂജയ്ക്കുശേഷം പുറത്തെടുത്ത് കുട്ടികൾക്ക് നൽകി.പൂജാദി കർമ്മങ്ങൾക്ക് ബ്രഹ്മശ്രീ പാലക്കാട്ടിരി മന ജയൻ നമ്പൂതിരി,വാസുദേവൻ നമ്പൂതിരി,ധനേഷ് നമ്പൂതിരി,ഒരുമനയൂർ മന വാസുദേവൻ നമ്പൂതിരി,മേൽശാന്തി അഭിഷേക് പണ്ഡിറ്റ് എന്നിവരും,എഴുത്തിനിരുത്തൽ ചടങ്ങിന് മാധ്യമ പ്രവർത്തകൻ പ്രദീപ് ചെറുവാശ്ശേരിയും നേതൃത്വം നൽകി.