ദേശീയ രാഷ്ട്രീയവും ഇടതുപക്ഷവും വിഷയത്തിൽ സെമിനാർ സംഘടിപ്പിച്ചു

പൊന്നാനി : സിപിഐ എം പൊന്നാനി ഏരിയ സമ്മേളനത്തിൻ്റെ ഭാഗമായി ദേശീയ രാഷ്ട്രീയവും ഇടതുപക്ഷവും വിഷയത്തിൽ സെമിനാർ സംഘടിപ്പിച്ചു. ഏരിയ കമ്മിറ്റിയുടെ നേതൃത്വത്തിൽ മാറഞ്ചേരി സൽക്കാര ഓഡിറ്റോറിയത്തിൽ നടന്ന പരിപാടി കേളുഏട്ടൻ പഠന ഗവേഷണ കേന്ദ്രം ഡയറക്ടറും സിപിഐ എം കോഴിക്കോട് ജില്ലാ സെക്രട്ടറിയേറ്റ് അംഗവുമായ കെ ടി കുഞ്ഞിക്കണ്ണൻ ഉദ്ഘാടനം ചെയ്തു.ജില്ലാ കമ്മിറ്റി അംഗം അഡ്വ.ഇ സിന്ധു അധ്യക്ഷയായി.സിപിഐ സംസ്ഥാന കൗൺസിൽ അംഗം അജിത് കൊളാടി,സിപിഐ എം പൊന്നാനി ഏരിയ സെക്രട്ടറി സി പി മുഹമ്മദ് കുഞ്ഞി, ഏരിയ കമ്മിറ്റി അംഗങ്ങളായ പി ഇന്ദിര, വി വി സുരേഷ് എന്നിവർ സംസാരിച്ചു. സുരേഷ് കാക്കനാത്ത് സ്വാഗതവും പി സി മൊയ്തീൻ നന്ദിയും പറഞ്ഞു.