ഇന്റർസോൺ ടെന്നീസിൽ വെള്ളിത്തിളക്കവുമായി എടപ്പാളിന്റെ നിരഞ്ജന; ദേശീയ മത്സരത്തിലേക്ക് യോഗ്യത

എടപ്പാൾ: കാലിക്കറ്റ് സർവകലാശാല ഇന്റർസോൺ ടെന്നീസ് ചാമ്പ്യൻഷിപ്പിൽ മിന്നുന്ന പ്രകടനവുമായി എടപ്പാൾ സ്വദേശിനി നിരഞ്ജന. ചാമ്പ്യൻഷിപ്പിലെ വ്യക്തിഗത വിഭാഗത്തിൽ ഫൈനൽ വരെ മുന്നേറിയ നിരഞ്ജന രണ്ടാം സ്ഥാനം കരസ്ഥമാക്കി.
ഈ മികച്ച നേട്ടത്തോടെ, വരാനിരിക്കുന്ന ഡിസംബറിൽ ചെന്നൈയിൽ വെച്ച് നടക്കുന്ന ഇന്റർ യൂണിവേഴ്സിറ്റി ചാമ്പ്യൻഷിപ്പിനുള്ള കാലിക്കറ്റ് സർവകലാശാലാ ടീമിലേക്ക് നിരഞ്ജന തിരഞ്ഞെടുക്കപ്പെട്ടു.
എടപ്പാൾ അണ്ണക്കംപാട് ചോരുംവീട്ടിൽ ഭാസി–രാജലക്ഷ്മി ദമ്പതികളുടെ മകളായ നിരഞ്ജന കോഴിക്കോട് ഗവൺമെന്റ് ലോ കോളേജിലെ രണ്ടാം വർഷ എൽ.എൽ.ബി വിദ്യാർത്ഥിനിയാണ്.