ചങ്ങരംകുളം: അർഹരായവരുടെ കൈകളിൽ ക്ഷേമ പെൻഷൻ വീടുകളിൽ എത്തിക്കുന്നതിന് ആവശ്യമായ നടപടികൾ സ്വീകരിക്കണമെന്ന് പട്ടികജാതി ക്ഷേമ സമിതി (പി.കെ.എസ്.) എടപ്പാൾ ഏരിയ കൺവെൻഷൻ ആവശ്യപ്പെട്ടു.
കൺവെൻഷന്റെ ഉദ്ഘാടനം സി.പി.ഐ.എം. എടപ്പാൾ ഏരിയ സെക്രട്ടറി ടി. സത്യൻ നിർവ്വഹിച്ചു. സി.പി. മണി അധ്യക്ഷത വഹിച്ച യോഗത്തിൽ പി.കെ.എസ്. സംസ്ഥാന കമ്മിറ്റി അംഗം കെ.പി. സന്തോഷ് സംഘടനാ റിപ്പോർട്ടും, കെ.പി. മോഹനൻ പ്രവർത്തന റിപ്പോർട്ടും അവതരിപ്പിച്ചു. ഒ.പി. കൃഷ്ണൻ അനുശോചന പ്രമേയം അവതരിപ്പിച്ചു.പി. ബാബു, സി.കെ. പ്രകാശൻ, പി. വിജയൻ, വി.പി. ബേബി, കെ.വി. അയ്യപ്പൻ, സുബ്രഹ്മണ്യൻ, സി.കെ. ബാബു എന്നിവർ യോഗത്തിൽ സംസാരിച്ചു. എം. അജയ്ഘോഷ് സ്വാഗതവും എ.പി. മോഹനൻ നന്ദിയും പറഞ്ഞു.
പുതിയ ഭാരവാഹികൾ:
കൺവെൻഷനിൽ പുതിയ ഭാരവാഹികളായി സി.പി. മണിയെ പ്രസിഡന്റായും, ചേകനൂർ മോഹനനെ സെക്രട്ടറിയായും, ഒ.പി. കൃഷ്ണനെ ട്രഷററായും തിരഞ്ഞെടുത്തു.
