ചങ്ങരംകുളം ലയൺസ് ക്ലബ്ബിന്റെ ഓണാഘോഷ പരിപാടികൾ ഞായറാഴ്ച രാവിലെ 10 മണി മുതൽ വൈകുന്നേരം 5.30 വരെ കാളാച്ചാൽ ഓഡിറ്റോറിയത്തിൽ വെച്ച് അതിഗംഭീരമായി ആഘോഷിച്ചു.ക്ലബ് അംഗങ്ങളും കുടുംബാംഗങ്ങളും ആവേശപൂർവം പങ്കെടുത്ത ഓണാഘോഷം സ്നേഹത്തിന്റെയും സൗഹൃദത്തിന്റെയും കൂട്ടായ്മയുടെയും വേദിയായി മാറി.
ആഘോഷത്തിന്റെ ഭാഗമായി ക്ലബ്ബിലെ സീനിയർ മെമ്പർമാരായ ഡോ. കൃഷ്ണേട്ടൻ,വിരലിപ്പുറത്ത് അഷ്റഫ്,ചങ്ങരംകുളം ലയൺസ് ക്ലബ്ബിൽ ആദ്യമായി എംജെഎഫ് നേടിയ രാജീവ്,മെമ്പർമാരായ ഫൈസൽ,മണാട്ടിൽ, ക്ലബ് മെമ്പറും ഇന്റർനാഷണൽ കോൺഗ്രസ് നേതാവുമായ അബ്ദുൽ ഖാദർ ആലങ്കോട്, ക്ലബ് മെമ്പറും പ്രവാസിയുമായ അജിത് മേനോൻ എന്നിവരെ ഓണപ്പൊന്നാട അണിയിച്ച് ആദരിച്ചു.ഓണാഘോഷത്തിന്റെ ഭാഗമായി വിവിധ മത്സരങ്ങളും വിനോദപരിപാടികളും സംഘടിപ്പിച്ചു.പൂക്കളം മത്സരം,കസേരകളി, ലെമൺ സ്പൂൺ മത്സരം, സുന്ദരിക്ക് പൊട്ടുകുത്തൽ,മെഴുകുതിരി കത്തിക്കൽ, വടംവലി തുടങ്ങിയ മത്സരങ്ങളിൽ അംഗങ്ങളും കുടുംബാംഗങ്ങളും ആവേശത്തോടെ പങ്കെടുത്തു.
ക്ലബ് സെക്രട്ടറി ജനാർദ്ദനൻ പട്ടേരിയും, ട്രഷറർ ഉമ്മർ കുളങ്ങരയും മറ്റ് ക്ലബ് അംഗങ്ങളും ചേർന്ന്, ലയൺസ് ക്ലബ് അംഗവും പ്രവാസിയുമായ അജീത് മനോൻ ആലങ്കോടിനെ പൊന്നാട അണിയിച്ച് ആദരിച്ചു.മത്സരങ്ങളിൽ വിജയികളായ എല്ലാവർക്കും ട്രോഫികളും മറ്റ് സമ്മാനങ്ങളും വിതരണം ചെയ്തു. കൂടാതെ,എല്ലാവർക്കുമായി വിഭവസമൃദ്ധമായ ഓണസദ്യയും ഒരുക്കിയിരുന്നു.സ്നേഹവും സൗഹൃദവും ഒരുമയും നിറഞ്ഞ ആഘോഷം ചങ്ങരംകുളം ലയൺസ് ക്ലബ്ബിന്റെ പ്രവർത്തനങ്ങൾക്ക് പുതിയ ഊർജം പകരുന്നതായി മാറി.പരിപാടിയുടെ സമാപനത്തിൽ ആഘോഷത്തിൽ പങ്കെടുത്ത എല്ലാ ലയൺസ് അംഗങ്ങൾക്കും കുടുംബാംഗങ്ങൾക്കും സഹകരിച്ച എല്ലാവർക്കും ലയൺസ് ക്ലബ് പ്രസിഡന്റ് സി. ചന്ദ്രാനന്ദൻ നന്ദി രേഖപ്പെടുത്തി.
