പൊതുജനങ്ങളുടെ പ്രശ്നങ്ങൾ ഏറ്റെടുക്കലാണ് പാർട്ടി പ്രവർത്തനം:കുറുക്കോളി മൊയ്തീൻ എം.എൽ.എ

വെളിയങ്കോട് :താഴെത്തട്ടിൽ പൊതുജനങ്ങളുടെ സജീവമായ പ്രശ്‌നങ്ങളിൽ നേരിട്ട് ഇടപെട്ട് പ്രശ്‌നപരിഹാരം ഉണ്ടാക്കലാണ് പ്രധാന പാർട്ടിപ്രവർത്തനമെന്ന് തിരൂർ എം എൽ എ കുറുക്കോളി മൊയ്തീൻ.ജില്ലാമുസ്ലിംലീഗിൻ്റെ നിർദ്ദേശപ്രകാരം വെളിയങ്കോട് പഞ്ചായത്ത് മുസ്ലീംലീഗ് കമ്മിറ്റി സംഘടിപ്പിച്ച മൺസൂൺ ക്യാമ്പിൻ്റെ ഉദ്ഘാടനം ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.ജനഹൃദയങ്ങളിലാണ് പാർട്ടിയുടെയും പാർട്ടിപ്രവർത്തകരുടെയും സ്ഥാനം ഉണ്ടാകേണ്ടത്.ഭരണമുള്ളപ്പോഴും ഇല്ലാത്തപ്പോഴും ജനങ്ങളോടൊപ്പം ഉറച്ച് നിൽക്കലാണ് പാർട്ടി പ്രവർത്തനം. പാർട്ടിയുടെ മതേതര നിലപാട് ഉയർത്തിപ്പിടിച്ച് കൊണ്ട് എല്ലാ വിഭാഗം ജനങ്ങളേയും ചേർത്തിപിടിക്കാൻ പാർട്ടിപ്രവർത്തകൻ ശ്രദ്ധിക്കേണ്ടതുണ്ട്.ഭരണത്തിലേറിയതുകൊണ്ട് പാർട്ടിപ്രവർത്തകരുടെയും നേതാക്കളുടെയും ഉത്തരവാദിത്തം വർദ്ധിച്ചിട്ടുണ്ട് എന്ന കാര്യം മറന്ന് പോകരുതെന്നും അദ്ദേഹം ഓർമ്മിപ്പിച്ചു.വെളിയങ്കോട് അൽതമാം ഓഡിറ്റോറിയത്തിൽ
നടന്ന പരിപാടിയിൽ പഞ്ചായത്ത് പ്രസിഡണ്ട് കെ. കെ. ബീരാൻകുട്ടി അധ്യക്ഷത വഹിച്ചു സിക്രട്ടറി കെ പി. കമറുദ്ധീൻ,പൊന്നാനി നിയോജകമണ്ഡലം സിക്രട്ടറി ഷമീർ ഇടിയാട്ടയിൽ ,മണ്ഡലം ഭാരവാഹികളായ വി.വി.ഹമീദ്,സുബൈർ കൊട്ടിലുങ്ങൾ,ടി. എ മജീദ്, ടി പി മുഹമ്മദ് ഫെസിലിറ്റേറ്റർ ഫത്താഹ് മാസ്റ്റർ എന്നിവർ സംസാരിച്ചു.പഞ്ചായത്ത് ഭാരവാഹികളായ കെ.വി ഹനീഫ
ആർ.വി സക്കീർ,കുഞ്ഞിമോൻ എരമംഗലം ,യു സുബൈർ,ടി.ടി.കുഞ്ഞിമുഹമ്മദ് ,റഷീദ് ടി,കെ.എ അബൂബക്കർ,സുഹറ ബാബു,ഫൗസിയ വടക്കപ്പുറത്ത് ,ശരീഫ മുഹമ്മദ്,ഇർഷാദ് എമറാൾഡ് എന്നിവർ നേതൃത്വം നൽകി.ക്യാമ്പിൽ 12 ശാഖാ കമ്മിറ്റികളിൽനിന്നായി 80 പ്രതിനിധികളും വനിതാലീഗ് ,യൂത്ത്ലീഗ് ,എം എസ് .എഫ് ,എസ് ടി.യു പ്രതിനിധികളും പങ്കെടുത്തു