എറവറാംകുന്ന് സംസ്കാരിക വേദിയിൽ സ്വാതന്ത്ര്യദിനം ആഘോഷിച്ചു

​ചങ്ങരംകുളം:എറവറാംകുന്ന് സംസ്കാരിക വേദി ആർട്സ് ആൻഡ് സ്പോർട്സ് ക്ലബ്ബിന്റെ ആഭിമുഖ്യത്തിൽ വിപുലമായ പരിപാടികളോടെ രാജ്യത്തിന്റെ 80-ാം സ്വാതന്ത്ര്യദിനം ആഘോഷിച്ചു.ക്ലബ്ബ് പരിസരത്ത് നടന്ന ചടങ്ങിൽ പതാക ഉയർത്തിയതിന് ശേഷം സ്വാതന്ത്ര്യദിന പ്രതിജ്ഞാ ചൊല്ലി.എറവറാംകുന്ന് നിവാസികൾ പങ്കെടുത്ത ചടങ്ങ് രാജ്യസ്‌നേഹത്തിന്റെയും ഐക്യത്തിന്റെയും സന്ദേശം നൽകി.ആഘോഷ പരിപാടികൾക്ക് ഹഫീസ് ടിഎച്ച്,ബിലാൽ,ഫിയാസ് ഇഎം, ഷാഹിർ ടിവി, ഫസീഹ് ഇഎസ്, അജ്മൽ ബിഎം എന്നിവർ നേതൃത്വം നൽകി.വരും ദിവസങ്ങളിൽ വിദ്യാർത്ഥികൾക്കായി വിവിധ മത്സരങ്ങളും കലാപരിപാടികളും സംഘടിപ്പിക്കാൻ ക്ലബ്ബ് ഭാരവാഹികൾ തീരുമാനിച്ചു.