ചേകന്നൂർ എ ജെ ബി സ്കൂൾ സ്വാതന്ത്ര്യദിനം ആഘോഷിച്ചു

എടപ്പാൾ:ചേകന്നൂർ എ ജെ ബി സ്കൂളിൽ 80-ാമത് സ്വാതന്ത്ര്യദിനം വിപുലമായ പരിപാടികളോടെ ആഘോഷിച്ചു.വട്ടംകുളം ഗ്രാമപഞ്ചായത്ത് മെമ്പർ വിവിഎം മുസ്തഫ ചടങ്ങിന്റെയും വിവിധ പരിപാടികളുടെയും ഉദ്ഘാടനം നിർവഹിച്ചു. സ്കൂൾ ട്രസ്റ്റ് ചെയർമാൻ ബഷീർ കക്കിടിക്കൽ അധ്യക്ഷത വഹിച്ചു.പി.ടി.എ പ്രസിഡണ്ട് മുഹമ്മദ് ഷബീർ മാണൂർ മുഖ്യാതിഥി ആയിരുന്നു.പ്രധാന അധ്യാപിക സിപി സതി ദേശീയ പതാക ഉയർത്തി.എം.ടി.എ പ്രസിഡണ്ട് സുഹ്റ മൂതൂർ പി.ടി.എ വൈസ് പ്രസിഡണ്ട് പ്രദീപ് കുമാർ,ഫൈസൽ സി വി പ്രേമകുമാരിഎ പി തുടങ്ങിയവർ പ്രസംഗിച്ചു.സ്വാതന്ത്ര്യദിനത്തിന്റെ ഭാഗമായി കുട്ടികൾക്കായി നടത്തിയ ദേശഭക്തിഗാന മത്സരം, പ്രസംഗ മത്സരം, ക്വിസ്,ചിത്രരചന മത്സരങ്ങൾ എന്നിവയുടെ സമ്മാനദാനവും ചടങ്ങിൽ നടന്നു.നീതു, ആ ലിയത്ത്, ആകാശ്. കെ,ജ്യോതികൃഷ്ണ,സീമ. പി,ഷർഫി യ,ഉനൈസ, അഹന്യ. കെ ഡി, മുഹ്സിന, റഹീന, സുലൈഖ, അഖില തുടങ്ങിയവർ വിവിധ പരിപാടികൾക്ക് നേതൃത്വം നൽകി.കുട്ടികളുടെ ദേശഭക്തിഗാനം, നാടൻപാട്ട്, ഡാൻസ് എന്നിവയും അരങ്ങേറി.ചടങ്ങിൽ വലിയ തോതിൽ രക്ഷിതാക്കളും നാട്ടുകാരും പങ്കെടുത്തു.