കല്ലുർമ്മ – പെരുമ്പാൾ മള്ഹറുൽ ഉലൂം മദ്റസയിൽ സ്വാതന്ത്ര്യ ദിനാഘോഷം സംഘടിപ്പിച്ചു

​ചങ്ങരംകുളം: രാജ്യത്തിന്റെ 80-ാം സ്വാതന്ത്ര്യ ദിനാഘോഷ പരിപാടികൾ കല്ലുർമ്മ – പെരുമ്പാൾ മള്ഹറുൽ ഉലൂം മദ്റസയിൽ വിപുലമായ ചടങ്ങുകളോടെ സംഘടിപ്പിച്ചു. ഖത്തീബ് ഷറഫുദ്ദീൻ അഹ്സനി കരേക്കാട് പ്രാർത്ഥന നിർവഹിച്ചതോടെയാണ് ആഘോഷ പരിപാടികൾക്ക് തുടക്കമായത്.
​സുന്നി ജംഇയ്യത്തുൽ മുഅല്ലിമീൻ നന്നമ്മുക്ക് റൈഞ്ച് ഫിനാൻസ് സെക്രട്ടറി പി.പി. നൗഫൽ സഅദി ദേശീയ പതാക ഉയർത്തി. ചടങ്ങിൽ പ്രധാനാധ്യാപകൻ അലി അഷ്റഫി അധ്യക്ഷത വഹിച്ചു. മഹല്ല് പ്രവാസി കമ്മിറ്റി ചെയർമാൻ ഷാജി മുടവത്ത്, കെ.വി. മുസ്തഫ, ഉമർ മണാളത്ത് എന്നിവർ ആശംസകൾ അർപ്പിച്ചു സംസാരിച്ചു.
​ആഘോഷ പരിപാടികൾക്ക് മുഹമ്മദ് മുസ്‌ലിയാർ, ഷഫീഖ് സഖാഫി, യൂസഫ് മുസ്‌ലിയാർ, റംഷാദ് സഖാഫി, സഫ്‌വാൻ മുസ്‌ലിയാർ എന്നിവർ നേതൃത്വം നൽകി. വിദ്യാർത്ഥികളുടെ ദേശഭക്തിഗാനം, സ്വാതന്ത്ര്യദിന സന്ദേശ പ്രഭാഷണം, പ്രതിജ്ഞാ വചനം, മധുര വിതരണം എന്നിവയും ചടങ്ങിന്റെ ഭാഗമായി നടന്നു.