സ്ത്രീയെ കടന്നുപിടിക്കുകയും കുട്ടികൾക്കുനേരേ നഗ്നതാപ്രദർശനം നടത്തുകയും പോലീസിനെ ആക്രമിക്കുകയും ചെയ്തയാൾ അറസ്റ്റിൽ.എഴുകോൺ കാരുവേലിൽ ‘തത്ത്വമസി’യിൽ ശ്രീജിത്ത് (38) ആണ് എഴുകോൺ പോലീസിന്റെ പിടിയിലായത്.ശനിയാഴ്ച വൈകീട്ട് അഞ്ചുമണിയോടെ ആയിരുന്നു സംഭവം. മദ്യലഹരിയിൽ ശ്രീജിത്ത് സ്ത്രീയെ കടന്നുപിടിക്കുകയും കുട്ടികൾക്കുനേരേ നഗ്നതാപ്രദർശനം നടത്തുകയും ചെയ്തതോടെ പോലീസ് കൺട്രോൾ റൂമിൽ പരാതിപ്പെട്ടു.
എഴുകോണിൽനിന്ന് പോലീസ് എത്തിയപ്പോൾ പോലീസിനെ ആക്രമിക്കുകയും അസഭ്യം പറയുകയും ചെയ്തു.
പോലീസ് പ്രതിയെ കീഴ്പ്പെടുത്തി സ്റ്റേഷനിൽ എത്തിച്ചപ്പോൾ അവിടെയും അതിക്രമം തുടർന്നു. വൈദ്യപരിശോധനയ്ക്കായി കൊട്ടാരക്കര താലൂക്ക് ആശുപത്രിയിൽ എത്തിച്ചപ്പോൾ പോലീസ് ഉദ്യോഗസ്ഥരെയും പൊതുജനങ്ങളെയും ഭീഷണിപ്പെടുത്തുകയും ഭീകരാന്തരീക്ഷം സൃഷ്ടിക്കുകയും ചെയ്തു.
യുവാവിന്റെ പേരിൽ പോക്സോ അടക്കമുള്ള വകുപ്പുകൾ ചുമത്തി കേസെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
