ചെറവല്ലൂർ തുരുത്തിലെ കുടുംബങ്ങൾക്ക് താൽകാലിക ആശ്വാസം’ കടത്ത് വഞ്ചി കൈമാറി പെരുമ്പടപ്പ് പഞ്ചായത്ത്.

ചങ്ങരംകുളം:മഴ കനത്തതോടെ ഒറ്റപ്പെട്ടുപോയ ചെറവല്ലൂർ തുരുത്തിലെ കുടുംബങ്ങള്‍ക്ക് താല്‍കാലിക ആശ്വാസവുമായി പെരുമ്പടപ്പ് പഞ്ചായത്ത്.യാത്രാ ദുരിതം പേറുന്ന 20 ഓളം കുടുംബങ്ങൾക്കാണ്പെരുമ്പടപ്പ് പഞ്ചായത്ത് കടത്ത് വഞ്ചി കൈമാറിയത്.വില്ലേജ് ഓഫീസറുടെയും പഞ്ചായത്ത്‌ സെക്രട്ടറിയുടെയും സാനിധ്യത്തിൽ പഞ്ചായത്ത്‌ പ്രസിഡണ്ട്‌ വത്സല കുമാർ വഞ്ചി തുരുത്ത് നിവാസികള്‍ക്ക് കൈമാറി.വൈസ് പ്രസിഡണ്ട്‌ ഷംസിയാ റഫീഖ്
വാർഡ് മെമ്പർ സതി ടീച്ചർ എന്നിവരും ചടങ്ങിൽ പങ്കെടുത്തു.പ്രദേശത്തെ യാത്രാദുരിതത്തിന് അടുത്ത മഴക്കാലത്തിന് മുമ്പ് പരിഹാരം കാണുമെന്ന് കഴിഞ്ഞ ദിവസം പ്രദേശം സന്ദര്‍ശിച്ച എംഎല്‍എ കെപി നൗഷാദലി പ്രദേശത്തെ ജനങ്ങള്‍ക്ക് ഉറപ്പ് നല്‍കിയിരുന്നു